"- Нели за резултати требаше да градиме? - За да градиме треба да има кај да градиме. Кај да градиме ако е сè полно? Руши и гради!" Парче генијалност на момците од К 15.

По долго време бафтање со Фотошоп, Коста Бургов конечно ѝ се врати на својата татковина, музиката. Има нова песна и спот. Песната е лирска преработка на Рафаела Кара (љубов ми дај, само тоа ми треба знај) а спотот е преработка на епска сцена, Коста супериорно над градот, спремен да го потопи со љубов и уметност. Патем, ќе видите и сами, неговата заиграност не престанува кога завршува песната. Преубав!

Серијалот Уа Шнајдери е снимен далечната 1995-та година и е посветен на филмот, поточно фетишот на гледање филмови. 20 години подоцна, ги прашавме двајцата автори да одберат по едно свое омилено парче од серијата.

Што се случува кога детството ќе биде потопено од политика или како се одразуваат генерациските разлики на актуелниве теми. Врвно видео! 

Видео објавено некаде 97-ма, на телевизија со национална концесија. Тогаш Амди Бајрам беше пратеник, денес Амди Барјам е пратеник. Тогаш луѓето се исчудуваа, денес луѓето се исчудуваат. Уживате ли што живеете во една волку стабилна земја?

Нејасно е зошто нашиов читател воопшто решил да го бара Свирипичино на Гугл мапс, ама сега ни е барем јасно што Гугл мапс мисли за ова пребарување.

Во 2012-та првпат ве почастивме со еден видео зен (Два вида жени) по кој сите си имавме во глава некоја своја претставничка на спомнатите видови. Три години и неколку бомби подоцна, сите мислиме на истата, нели?

Додека народ главно сеири на разни теми и и грицка семки, еден дечко од Охрид знае по 10 часа дневно да се занимава со шупливи тикви. Шупливи тикви? Врв на денгубење? Ѕирнете, одма ќе ве напушти таа мисла. Браво Климент. 

Од секојдневната комуникација со Коста Бургов (за што ве информиравме овде) дознавме дека тој уште ѝ го нема простено гревот што му го направила Даница Максимовиќ (гуглање) кога била во жирито на едно шоу во кое тој важеше за еден од фаворитите. Да пробаме од ова да направиме таблоидна вест, колку да го вежбаме жанрот.

Ако првото парче (Еве и ја) беше игра на нерви, видете го тек ова. Не, не можеш нејзе да ѝ нафрлиш топка а таа одма да не ти ја врати! Со други зборови, лицето Г.Ј. и лицето М.П. се поздравуваат во емисијата И.Џ.

Уште имало некакви знаци на живот во Македонија. За среќа, преживеаниот се вика стрип. Ајвармен е лик креиран од Давор Драмиќанин (сценарио) и Игор Јовчевски (цртеж). Еден од главните противници му е Томатон а во албумот ги има и националниот супер херој Македон,лесковачкиот јунак Роштиљач...

Порано се правеа со Пато, сега со новиве материјали. Кул. Проблем е кога ќе се сетите дека порано чекавме ново видео со Северина, сега чекаме ново аудио со Јанкуловска. Јак ни е напредоков, а? 

Наш дечко нарачал нешто од АлиЕкспрес ама ни после два месеца не му стигнало тоа  па решпил да им пише. Наидува на изворно кинеска корисничка поддршка чиј одговор е ју-хууу! Пробајте да го читате со неговиот кутар кинески глас (а супер ферцера и со индијски Апу акцент).

Седум и нешто минутен тајм лапс посветен на градот на конзулите, Фолтинци и Димса, Каролина, Крсте од Њујорк, Стребре од Епинал, Лео што се женеше лани, Коче кој ќе се жени во мај и сите други фиљан луѓе што ги знаеме од таму.

Ако ви е ова смешно - разбираме. Ако ова не ви е ич за смеење - разбираме. Гледате колку е лесно да се разбереме?

Толку е добро ова парче муабет меѓу Јанкуловска и Протуѓер што треба да стане дифолтен почеток на сите телефонски разговори во Македонија. Да не ви откриваме све, ама Јанкуловска е генијалец.

Го пренесовме ние стримот од тој концерт ама нека остане и траен белег од фраерскиот потег на Босанците, да им свират на разбудените студенти на УКИМ. Фино снимено од екипата на Мим, дур уште не стапила на сила забраната за дронови.

Како оние видеа со Хитлер од " Der Untergang", оваа сцена со штрбавиот кој заразно се смее станува одлична подлога за спрдање со која било актуелна тема. Го имаме во две варијанти, за екстерното и за македонските анонимуси. Во обата случаи, нема утка, кркорење!