Полска во моето (скопско) срце

Го користиме овој стих на Џони за да се потсетиме дека во светов имаме и пријатели на кои подзабораваме додека упорно се бавиме со Бугарија и нејзините влажни соништа. Пред некое време во Варшава излезе книга која се навраќа на уништеното Скопје, неговата обнова од земјотресот и улогата на полските архитекти во тоа.

Иако оваа тема за обвновата на Скопје во Полска е далеку од „трендинг“ нашите тамошни јатаци велат дека излегувањето на книгата таму наишло на неверојатно големо внимание, веројатно како дел од една поширока потреба за потсетување дека постоеле и некои времиња кога луѓето си помагале во невоља.