Вегански чварки

Мирнииииии. Пред да попијам CapsLock каменување од страна на карниворите, месождерите, палео и кето диеталците во комент СЕКСијата, да обелам образ и да кажам дека не сум до толку безобразен да готвам вообразени бучкуруши како што се меса во веганско издание.

Впрочем, нема ништо лошо во веганските рецепти. Има одлични ракијо-елиминирачки мезиња од веганска вероисповед. Само никогаш не ми е била јасна таа нивна потреба да прават веган варијанти на мртви животни: веганско печено пиле, вегански T-Bone, вегапчичи, итн. Исто како лезбејките шо користат дилдовци у форма на фалус. Па нели нејќете?! И дајте малку уклучете тоа тревопасните вијуги, смислете нови имиња за храната што ја јадете. Еве, хумусот е хумус, не е веганска паштета.

Ок, денес спремаме њоки од благи компири. Личат на џимиринки/џмирки/чварки, па затоа таков наслов. Благите компири се трансџендерите во помфритскиот свет: они се уствари тиква, ама се осеќаат и облакаат како компири. И ако може, така да им се обраќате, ќе ве молам. Њоките се една од класиките на италијанската вкусна сиромаштија. Компири и брашно, пффф, ама пуста мајка/баба, кога им гракаат 5-6 гладни усти, иде на дај-шо-даеш тактика. Среќа па уште не била измислена глутенската интолеранција.

Оригиналот е со обичен компир. Беровски.

Па да почнеме: 2-3 благи компири, со виљушка ги бодеме како Брут Цезар, позади грб, ги мотаме во алуфолија и во рерна загреана на 220, едно 45 минути до саат. Вака омекнати ко на четвртина екстаза, ги лупиме и сместуваме во длабок сад. Сецкаме гранче рузмарин на ситно. Додаваме врз компирите. Додаваме и бааги сол и лук во прав. Со виљушка ги пасираме компирите ко за пире. Кога смесата ни е оладена, убацуваме две жолчки. Повторно мешаме. На ред е брашното. Го просејуваме низ цедалка. Не знам колку точно брашно иде, зависи од големината и квалитетот на компирот. Додавајте сѐ додека тестото не почне да се меси мазно, без да се лепи. Без пола кило нема да сте, у секој случај.

Во меѓувреме тенџере пуно со вода иде на рингла да се загрева. Од тестото кинеме третина или четвртина, зависи колку е големо и со рака го растегаме во долг и тенок цилиндер. Замислете дека тестото ви е сукало и ротирајте го по маса. Овој тестен црв го сецкаме на мали перничиња. И би њоки!!! Перничињата ги набрашнуваме и вариме во врелата тенџерска бања. Знаеме дека се готови кога ќе испливаат на површината. Ако сметате дека имате премногу тесто, смотајте го вишокот во најлонска фолија и складирајте го у фрижидер за следен пат. Стои до недела дена.

Кога сме готови со варење, во тава растопуваме 70 грама путер и њоките внатре, на лакирање. 2-3 минути по страна и правац у тањир. Додека се врели ги освежуваме со пармезански снег. Гарнитајте со омилениот ви сос.