Да, сите сме шокирани и огорчени и скршени. Ама, ако може, да не се тркаме кој е попогоден и поужаснат? Мора ли баш секоја мисла што паднала на памет да се бапне на Фејсбук? Веќе не знаеме од кој повеќе ни се лоши, од оние лигавите („Мила Вања, твојот живот не отиде залудно, ти ветуваме дека ова нема да се повтори“) или од оние со крв во очи и пена на уста. Баравме и баравме поинакви, најдовме дури четири. Стишани, со усул.

Откако не успеала да најде книга со македонски рецепти каква што барала (на англиски јазик) за подарок, Деспина Кларк решила да го направи она што малкумина би се покренале да го направат - напишала своја книга која се претворила во упатсво како да се јаде како Македонец. Ја има на Амазон и ако Деспина тогаш имала проблем со подарок, вие сега немате. На пример, за новогодишен.

Лани пишавме: „Малку работи на овој хаотичен свет се стабилни и предвидливи. Гравитацијата, Халелевата комета, фактот дека сè посрање и посрање ни станува Македонија и календарот на Коста Бургов“. Овојпат ќе пишеме само дека за 2024 добиваме дупла доза од добриот човек Коста. Едниот календар е јуниор варијанта, јер кое девојче не би сакало да има свое локално Барбиче со ликот на Коста Бургов на нејзиниот фустан?

Таа акција беше да се покаже дека сè што следно ќе правиме во државата, или ќе го поддржите или ќе завршите како овие луѓе. Пораката беше јасна, СЕДЕТЕ ДОМА кога го менуваме името, СЕДЕТЕ ДОМА кога ве ограбуваме, СЕДЕТЕ ДОМА и не протестирајте против НАС оти ви следува исто што им направивме на овие луѓе.

Ќе се најде ли некој (било кој) да ни објасни (било што) околу оваа чудесија од филм со наслов „Концерт за една душа, опус“??? Година непозната, автор непознат, сè непознато... МТВ, Кинотека, се слушаме? Истовремено, го повикуваме нашиот дилер на лесни психотропни супстанци да ни ги пополни залихите, ова „на суво“ апла не се разбира. 

Овогодинешна емисија со преживеаните од најлегендарната емисија во последните 30 години. Починаа Малнар, Шева, Тарзан, Лаки, Џамбо... преживеани се Брацо Циган, Јаран, Цезар, Анѓа, Дубравка... Два саата е, ама вреди. Ќе дознаете дека Цезар уствари поправа веш машини а дека транџата Анѓа (која бааги има добиено на кубикажа) е против геј паради.  

Пионир версус Витаминка:

Не тврдиме дека нема поглупо. Само ние не сме чуле. А небулоза до небулоза: толку поскапува сè што оној на миналец не може веќе да биде ин (?), човек мора слепо да оди во компании кадешто ќе му дадат поголема плата (да, а?), светско зло, мрежа на идеал... Девојката треба да направи стенограм од оваа нејзина блесава логореја и за казна, сама да проба да ја сфати.

Темата дали старото Скопје е поубаво од новото, ја наметнаа луѓе кои не можат да живеат без кавга. Тоа им е духовна храна. Во минатото читаа само некролози по бандери, а денес читаат само Фејсбук. Сега чичо Бато ќе ви каже: Градот треба да се сака како дете. Од бебе па сè до староста.

Појасот Газа во ист размер на картата од Македонија. Би зафатила само еден многу мал дел од Пелагонија, колку од Новаци до Витолиште. Инаку во појасот Газа живеат 2,048 мил. жители, повеќе отколку во цела Македонија (1,84 мил. жители). Густината на населението во Македонија е споредлива со густината во пустината Негев.

Пред три години објавивме како патнички автобус на овој превозник, година ипол после трагедијата кај Ласкарци во која загинаа 16 луѓе а 30 беа повредени, цепа 100-ка на место каде што максимумот е 80. Еве сега читател ни праќа ново видео од автобус на Дурмо, кој претица на самото излегување од тунел (каде што уште важи ограничувањето на 80), исто со скоро стотка.

Додека ФБ статусите на Ненад Јовановиќ се поцитирани од трудовите на овие македонски научни великани злистани на Стенфорд, дотогаш Македонија ќе биде тоа што е.

Резултатите се вџашувачки и само најголеми недомаќини не би се одлучиле за самостојна градба. Електраната би била отплатена после само 13 години. Домаќинска земја би требало самата да гради производни капацитети, наместо што го раскрчмува националното благо, за потоа да биде зависна од увоз. Пресметките лесно се проверуваат и се бранат. Дали ќе видиме и пресметките на тие што знаат само да распродаваат?

Едни викаат „Ај аирлија, за многу години нека е” (како да сум ставил терацо за плочките во купатило), други колективно ми ја пеат „падај сило и неправдо”, трети благословуваат „да им се позлати воланот”... Кога ќе прашаш некој од нив од кога тој е на иста страна со терористи, вика: „Абе, знам дека сум говно, ама остај ме да се порадувам”.

Го гледам натпреварот меѓу Македонија и Италија и не можам да верувам. Значи, една земја во која фудбалот е популарен, повторно си дозволува себеси вака да се резили и да расфрла бодови. 

„Доктор Роберт Роко Роксан Сошански Казанова“ памти дека го имаме објавено (ние моравме да се потсетиме на тоа, ама ќеиф си направивме) па ни ја понуди неговата нова песна. Зад џониевскиот наслов „Во немир и страст“ Роко тврди дека се крие песна со „ориентален амбиент со примеси на Латино“, песна во која „се поставува фамозното прашање ДА или НЕ.“ 

Името да ни го вратите. И парите да ни ги вратите. Народот го осакативте. Нешто ми кажува дека скапо ќе платите. Македонецот се буни, ебате тоа психопатите.

Како што Дуци феноменално гради карактери а Стеф Кери маестрално гаѓа тројки, така оваа наша девојка феноменално и маестрално гради изговори и гаѓа акценти. Не знаеш во што е повешта, кога зборува англиски (од странци) или македонски (од странци).

Пушти ја малата, голема е... ќе си рече некој близок до девојчето.... И девојчето ќе тргне, баш тука кај што се собира едно друштво кое, за среќа, во тој момент е во сиеста, фјака, лер... Ама пак бе, шубе е. Само, може ли овде за некој друг проблем да зборуваме, а да не бидат тоа „Бугарите во уставот?“ За да биде шубето поголемо, девојчето излегува од градинка.

Месечината преку крстот на манастирот Свети Ѓорѓи во село Белица, Кичево.