За Ангелко од Лабуништа и неговиот литерарен херој Кузман, стариот кој е спремен за тепачка ако некој почнува да го напнува дека е Бугарин или Србин.

За просветлување на џганот кој веруваше дека е небитно тоа што на Грција ќе ѝ го отстапиме ексклузивното право да го користи брендот Македонија, сцена од филмот The Founder кога Мајкл Китон на партнерите им остава сè но им го зема името. Тој стана МекДоналдс, овие останаа безимени плескавичари.

Дејан и Кико се билкари кои имаат катаљарда рецепти а почнуваат и завршуваат со песна. Нормално, ништо од тоа нема да пробаме. На пример, за некој микс за третман на црн дроб ви требаат лист од артичока (уот?), димарка (уот?), руса (уот?), глуварче (ок) и грчко семе (не, фала). Ама затоа питомоста со која зборуваат и посветеноста на Дејан и Кико се вистинска детоксикација од вишокот вести, политика и други ежедневни отрови. Дозата е саат време, проверено.   

Чисто за да не се секирате, бизнисите со марихуана, за кои поделија лиценци на одбрани фирми (наместо поштено да ја легализираат таа земјоделска дејност и социјалдемократски да го дистрибуираат приходот на широк слој луѓе) им одaт одлично. Ние ќе јадеме увезени патлиџани, тие ќе извезуваат масло од канабис во Велика Британија.

Како што репрезентативен натпревар започнува со македонската химна, имаме песна со која во иднина треба да започнува секое славење роденден на син во дијаспората.

Сања Цинцева и нејзиниот креативен тим решија да се фатат за орото на пандемијата и низ песна да ги простудираат сите аспекти на сложената релација меѓу ковидот и сексот. Молете Бога некој ден да не нè задеси пандемија на дијареа, тек тоа ќе биде песна за чудење.

Чисто да знаете, ако решите да пешачите, да возите точак или да терате пикник во тој крај. Снимано деновиве, во седум наутро, над Побожје.

Пред точно 118 години, во грчкиот весник „Акрополис“ е објавено интервју со Никола Карев, подоцнежниот несуден „претседател на Крушевската Република“ за време на славното македонско Илинденско востание. Заради претпазливост пред тогашните турски османлиски власти интервјуто е направено во конспиративна атмосфера во еден хотел во Битола.

Доколку продолжиме со слабото темпо на вакцинирање (коешто веројатно дополнително ќе забави во текот на летните месеци, како и поради опуштањето на населението по завршувањето на пролетниот бран), есенски бран е многу веројатен.

Хајперлапс е техника на креирање подвижни кадри од статични фотографии, фаќани на кратко растојание. Наш дечко вели дека комплетирал неколку десетици илјади фотографии за да го врзе ова хајперлапс видео за Скопје. 

Дечко и девојка минуваат два снежни месеца по Македонија и од тоа произлегува еден од најубавите визуелни прикази на нашата земја кои ги имате видено.

Прасечко, го викаат бајадера. Прасе цицалче, без коски, наредено па исечено на коцки за секое парче месо да има и месо, и мрсно и крцкава кожичка - мртва уста да го јаде.

Во денешно време, Бранко Коцкица за ова би попил серија тужби, што од родители, што од невладини. Од вториве затоа што наметнува стереотипи за жената и нејзиниот изглед  а од родителите дека на нивните мили и хиперсензитивни дечиња неодговорно им ги препорачал високо алергенските кикирики.

Ова треба да го изгледате макар само за да го видите Свето Пивара на млади години. Мислиш во секој момент ќе изговори „нот грејт, нот терибл“, согласно тој шармантен дизајн на 80-тите години кој го има и овде и во серијата за Чернобил.

Зоран Заев: Инвестираме во нови извори на електрична енергија за да ја зајакнеме домашната продукција на струја и да не дојде до поскапување на струјата. Зоран Заев: Инвестициите во нови извори коштаат пари. Сакате зелена енергија? Ќе поскапува и цената на струјата.
 

Малку е да се каже дека замина последниот Мохиканец. Гањо беше тотем на Мохиканците.

Нека биде ова мало охрабрување до Миликије Халими да продолжи да работи на себе и на своето образовно усовршување во кое имаат учествувано и силни амбасади, усаиди и големи војводства. Оти, уште бааги работа има тука. „Откако ја отворивме аптеката во селото Арачиново, и јас успеав неколку години, сè до мојот политички ангажман,“ стои на нејзината официјална биографија на сајтот на општината.

Од книгата на Хиеронимус Мегистер од 1603 година, во која има цитати од Библијата на неколку јазици, меѓу кои и на македонски. Не дека е тоа нашиот денешен македонски јазик, ама па како оние комшиски пицајзли не разбираат дека и сме биле башка и дека ќе останеме башка?

Настрана неговиот трти- прти англиски, пазете колку всушност му е јасно дека никогаш нема да влеземе таму и колку му е битно само да добиеме некаков датум, за да има тој со што да излегува на избори.

Начучулте ги ушите, ништо од следново не е кажано закукулено, замумулено. Знаете ли дека „го пробивме звучниот ѕид на сите времиња“? И дека „иднината веќе не ни е судбина“? ЦИА ма, што сме ти згрешиле?!

Ако треба да бараме заеднички точки, тогаш да почнеме од еден збор кој одамна го споделуваме и го има и во двата јазика. Само што искуството поврзано со тој збор ни е заедничко колку што силувањето е заеднички секс кој го споделиле силувачот и силуваниот.

Одговорете си сами, ние само да ви покажеме што на 4 мај 2021 година имаше на сајтот на бугарското министерство за надворешни работи, а што на сајтот на нашето МНР.

И така, ден по ден, изгубени и дефокусирани талкаме како гуски во магла поради невозможноста да ја согледаме суштината на работите - без разлика дали се работи за епидемиски мерки, набавка на вакцини или образовни реформи. Ниту некоја политичка партија има да понуди нешто корисно, ниту пак ако понуди - населението ќе го препознае тоа.