Целиот ракометен крем синоќа се собра на едно место, а химната ја пееја се разбира и двете селекции на Македонија. Златко Мојсоски, кој инаку уште е активен ракометар на 41 година во тимот на РК Бутел, не заборави да намигне.

Ревијалниот натпревар на кој преовладуваше релаксиран ракомет со многу забава, го добија младите со 25:21. И покрај неколкуте атракции на двете страни, од кои и неколку неуспешни, никој не можеше со потегот на Ванчо кој го украде шоуто со страшна шрауба од 9 метри.

Скопје беше сведок на спектакуларна ракометна претстава во салата Борис Трајковски која беше исполнета до последно место во чест на легендите. Резултатот оди во втор план.

Борис Трајковски крца во чест на натпреварот насловен како „Сите ѕвезди“ на кој играат актуелната македонска репрезентација против ветераните, односно легендите кои секој јануари ја држат Македонија во ракометна треска. Ракометарите беа поздравени со аплаузи и овации и добија дресови од првиот човек на РФМ, Живко Мукаетов.

Македонскиот претставник во Европската лига на ЕХФ, Еурофарм Пелистер го совлада Мотор Запорожје на неутрален терен со 30:33. Битолчани ја направија соблекувалната пиц пец, ливче да нема.

Женската ракометна репрезентација ги завршува настапите на ЕП, каде се врати по пауза од една деценија. Македонија како ракометна нација и даде достојна поддршка на сите три натпревари. На крајот девојките и навивачите пееја заедно како за финиш на ова убаво дружење.

Женската ракометна репрезентација на Македонија загуби од Романија со 23:31 во директниот дуел за пласман во следната фаза на ЕП.

По високиот триумф од 30:15, холандскиот селектор Пер Јохансон се сретна со својот колега Кире Лазаров, кој го опиша на посебен начин.

Вечерва во СЦ „Борис Трајковски“, македонските ракометарки претрпеа уште еден пораз во групната фаза на Европското првенство. Холандија беше подобра - 30:15.

Многу спортисти и луѓе од јавниот живот и дадоа поддршка на женската ракометна репрезентација на Македонија, која денеска од 18 часот во салата Борис Трајковски го игра вториот меч од ЕП против Холандија. Мотивирачките видеа ги прави РФМ.

Македонскиот женски ракомет конечно се врати на голема сцена. Вечерва во Скопје Македонија со Франција го отвори Европското првенство во нашата земја. Пред почетокот на мечот нашите ракометарки со околу 2.500 навивачи емотивно ја пееја химната. Некои од нив и со солзи.

По долга децениска пауза, женската македонска ракометна репрезентација се врати на голема сцена - Европско првенство чиј домаќин е и Словенија и Црна Гора. На стартот нашите девојки немоќни против силната Франција 24:14 (12:5).

Со почеток од 18 часот против Франција, женската ракометна репрезентација на Македонија ги стартува битките на Европското првенство, на кое по пауза од 14 години повторно сме домаќини, заедно со Словенија и Црна Гора. РФМ секојдневно ја билда атмосферата на социјалните мрежи. Девојките очекуваат голема поддршка на трибини.

Скопје, Љубљана, Подгорица и Цеље се домаќини на Европското ракометно првенство за жени кое се игра од денес до 20 ноември. Избраничките на Љубомир Савевски ќе се појават на меѓународна сцена во салата Борис Трајковски против Франција, Холандија и Романија. Сите три средби ги играат од 18 часот на 5, 7 и 9 ноември. Само храбро девојки.

По триумфот дома над аутсајдерот Луксембург, македонската ракометна репрезентација ја декласираше и Турција на гости (27:36), на стартот од квалификациите за ЕП 2024. Најпрецизен на мечот беше Филип Талески со 7 погодоци, кој не ги поштедуваше домаќините од сите позиции.

За три месеци ќе го има дебито како селектор на Македонија на Светско, а за два дена, во среда од 19 часот против Луксембург ги стартува и првите квалификации за Европско. Сето ова, само во улога на предводник на репрезентативците, без да им помага овој пат. Најновото видео од легендата, нека служи како мотивација за момците од кои очекуваме и без Кире да го обелат образот и да ја радуваат нашата ракометна нација.

На Порто не му оди во Лига на шампиони и го запиша четвртиот пораз, овој пат од Динамо Букурешт 33:27. Но македонскиот репрезентативец Никола Митревски кој пред три дена наполни 37 години, повторно воодушевува со одбраните. Нанижа вкупно 10 од кои една спектакуларна.

Писмо на читател кој од жестокиот тајм аут на селекторот на Македонија, во улога на тренер на РК Алкалоид, направи песна која има за цел да мотивира.

И покрај тоа што на 3 октомври полни 37 години, Никола Митревски продолжува да брани во врвна форма веќе трета сезона во дресот на Порто. Погледнете како им ги ловеше пеналите на двајцата поранешни вардарци на мечот против Загреб во ЛШ.

Порто го запиша и третиот пораз во третото коло од новата сезона во ЛШ, овој пат на гости против Загреб (29:23). Никола Митревски кој на 3 октомври полни 37 години повторно бранеше одлично и успеа да му фати два пенали на Дибиров и еден на Чупиќ. Тимур „лета“ и на 39 години и беше број 1 на средбата со извонредни 10 гола.

Ракометниот новајлија одлично му парираше на двократниот европски првак и загуби достојно со 28:25. При еден пад на играта на Алкалоид, Лазаров збесна и откако ги искара фино направија серија од 5:0, а потоа и од 7:1 со што дојдоа и до предност против Вардарци.

Конкурсот за гол на сезоната во најелитното клупско европско натпреварување во ракомет се затвора уште во прво коло. Кјелце го совлада Нант со 40:33, а 22 годишниот Дилан Наи постигна спектакуларен и чудесен погодок каков што нема да видите сезонава.

Еурофарм Пелистер испиша нова ракометна историја откако за прв избори пласман во Фајнфор завршницата од СЕХА лигата. Битолчани беа сведоци на драматичен натпревар против Мешков Брест, кој беше решен на пенали. Клучниот потег на мечот го направи Словенецот Урбан Лејсак со херојска одбрана.