Џек има 8 години, навива за Ватфорд и за прв пат во својот живот се наоѓа на гостински меч на својот омилен клуб. Голманот на Ватфорд, Бен Фостер со еден фантастичен гест му го направи гостувањето незаборавно. Заврши мечот и со прст покажа накај него. Ракавиците заслужено одат кај Џек. Се поздравија и со видео пораки. Ете што ти прави фудбалот.

Во Италија постои закон според кој секој спортски клуб треба за половина од натпреварите во сезоната да ги отвори вратите за деца. Со исклучок на Рома и Јувентус, ниту еден друг клуб не го почитува тоа.

Се вика Костел Пантилимон, голман кој на млади години од Романија отиде во богатиот Манчестер Сити, па се ашкаше на позајмици по неколку клубови за да на крај се скраси во Нотингем Форест. Една негова реакција многу нè изнасмеа.

По пауза од 9 години, АИК ја освои шампионската титула во Шведска. Оствари клупски рекорд од 67 бодови, 2 повеќе од второпласираниот Норкопинг и 9 повеќе од Малме кој беше на тронот изминативе две години. Кој знае колку им е убаво на навивачите кога го прават ова.

Навивачите на „Енфилд Роуд“ никогаш нема да го заборават стоперот кој важеше за еден од најпожртвуваните борци на теренот. За жал, рано прекина со фудбалот, ја заврши кариерата и се занимава со други нешта.

Зенит е еден од побогатите и помоќните клубови на светот. Ама тоа не му сметало на фудбалерот на овој клуб Леандро Паредес да добие два намерни жолти картони, автоматски црвен и да земе слободни денови да се врати во татковината за да го гледа големото дерби Бока Јуниорс - Ривер Плејт. Истиот ден неговиот Зенит изгуби 2-0 од големиот ривал ЦСКА Москва и прокоцка важни бодови во трката за титулата.

По завршувањето на дербито со Јувентус (0:2), еден млад стопер на Милан кој беше на клупата за резерви, Раул Беланова отишол да прави селфи со Кристијано Роналдо во соблекувалната на Јуве. 18-годишниот Беланова жив радосен а тој што ги сликал не приметил дека во позадина Кјелини е пиштол гол.

Затоа што нема ни ред ни поредок и никој не те штити. Колку и да донесеш погрешна судиска одлука не може некој од играчите да се дрзне и главата да ти ја користи како топка. Да, токму тоа се случи во Венецуела, по што логично судијата не се помрдна од земја. Додуше имаше двајца од тоа желките, ама интервенираа по два века, односно не ни интервенираа.

Челси киксна викендов против Евертон, а фудбалерот од кој неочекувавме вака да го мами судијата направи потег како да не знае дека 20 камери снимаат. Кој би рекол дека ќе видиме вакво нешто во волку сериозен клуб и лига. Ништо нема да му сменат 20 см, патем 0:0 заврши мечот.

Најнеславниот селектор на Италија продолжува неславно да ита во тренерската кариера. Еден месец не издржа во Киево. Каков несреќник.

Откако реши да замине од француското првенство пред неколку години, се очекуваше дека ќе смени клуб и ќе остане во Европа. Ама Жињак го одбра Мексико за живот и кариера и не погреши.

Во некој од поголемите квартови на главниот град на Аргентина имало различни реакции за четирите гола (2:2) кои паднаа на дербито Бока - Ривер на „Ла Бомбонера“. Интересно е што мечот се играше во 14 по локално време, сред бел ден, а улиците пусти како никогаш.

На таа силна одбрана составена од звучни имиња како Кјелини и Бонучи, како и претходно бековите Лихштајнер и Дани Алвеш, некако како да не можеше толку да се истакне Алекс Сандро. Инаку дефинитивно се работи за многу важно парче во мозаикот на Алегри. 

По серија слаби резултати, Марсеј конечно победи, на домашен терен со 2-0 го совлада Дижон. Стрелец на првиот гол во 45+3’ минута беше стоперот Адил Рами кој летово се оженил за 18 години повозрасната Памела Андерсон.

Кога влијателен лик како Жозе Мурињо ќе направи потег како оној по мечот со Јуве во ЛШ, кој го совлада со пресврт во драматична завршиница, не поминува тоа така. Неговиот провокаторски гест го повторија и две маскоти на Џенова пред мечот со Наполи.

Во чест на големото дерби против големиот ривал кое заврши 0:2, тифозите на Милан организирани под групата Curva Sud пред средбата со Јуве демонстрираа врвна кореографија.

Откако дербито беше одложено поради пороен дожд во саботата во Буенос Аирес, синоќа Бока и Ривер одиграа спектакуларен меч со 4 гола, многу жестоки дуели и грмотевици од трибините. Реваншот е на 24 ноември и ништо не е уште решено.

Атлетико Мадрид на два пати губеше дома од Атлетик Билбао со 0-1 и 1-2 но на крајот капитенот Диего Годин направи луд подвиг откако повреден остана на теренот и додека кривеше, го сврте резултатот.

Најапсурдната акција викендов се случи во израелскиот фудбал. Лакомоста за постигнување гол исплива на површина пред наводната помош за колегата и барање да се стопира играта. И што е најинтересно со овој гол во 88-ма минута беше решен мечот.

Центарфорот на најголемото изненадување во Лига Европа досега сезонава и актуелен хрватски шампион Динамо, Бруно Петковиќ постигна неверојатен гол против Локомотива Загреб.

Во сабота од 21 по наше време ќе се бие судир на титаните во јужно-американскиот фудбал. Ова Superclásico низ историјата донело сè и сешто, но финале на Копа Либертадорес никогаш. Затоа овој двомеч ќе биде најмераклиски.

Тој е вечен фудбалер за пример во и надвор од терените. Човек кој не можеш да не го сакаш. Конте за него вели дека и кога дише пренесува нешто посебно, а Трапатони го смета за играч кој му припаѓа на народот. Среќен 44-ти роденден легендо.

Италијанските клубови кога ангажираат луѓе за читање на составите, гледаат да одберат мотиватори во душа способни да и го кренат адреналинот на публиката. Интер има таков и кога нивниот главен играч ќе даде гол, преку 70.000 гледачи повторуваат по него. Погледнете го со колкава страст го работи ова.

Дани да Коста е десен бек на Ајнтрахт Франкфурт и најверојатно фудбалер со неостварена желба да биде новинар. На друг начин не знаеме да си го објасниме овој феномен, некој играч да сака сам да си поставува прашањата и сам да си ги одговара. 5-6 пати го изгледавме, се чудевме, се смеевме, а успеавме и да се снајдеме со превод од германски кој се надеваме дека ни е точен.