Некогашниот белгиски репрезентативец во еден период од кариерата беше меѓу топ5 најдобри играчи во Европа на неговата позиција. Фанатичен борец кој скоро цела кариера ја помина во Италија, во Пјаченца, Каљари, Рома и Интер. Пред некое време се врати во родниот клуб и град Антверпен каде сега е суспендиран на неопределно време зошто пушел на клупата за резерви.

Македонскиот фудбалски тренер кој нашата репрезентација ја одведе на првото Европско првенство во историјата, пред крајот на август потпиша со хрватскиот прволигаш ХНК Горица. Договорот има важност до 2024-та но на Ангеловски не му оди баш најсјајно.

Ти со тие шест комада одма да се тргнеш. Ете така.

После 785 партии фудбал, 366 голови, 127 асистенции и 14 трофеи, аргентинскиот центарфор едвај се одвои од теренот.

Видео снимено за најдобриот играч на светот, Златната топка Карим Бензема кој играше под Мурињо, Зидан, Карло Анчелоти и многу други великани. Заслужено го доби највредното признание затоа што на Реал минатата сезона му донесе пехар во Лига на шампиони и титула во шпанска Ла Лига. Од Реал заминаа играчи како Ван Нистелрој, Раул, Роналдо, Игуаин и други, а тој остана стандарден првотимец.

„Јас имав три мечти: да ѝ купам стан на мама, да заиграм за Реал Мадрид и да освојам Златна топка“, изјави Карим Бензема кој апсолутно заслужено ја доби наградата за најдобар играч на светот за минатата сезона. До него на сцена беше мајка му Малика а потоа и татко му Хафиз и синот Ибрахим.

Само неколку дена откако седна на клупата на Сампдорија Дејан Станковиќ ремизираше 1-1 на гости кај Болоња во 9. коло, а синоќа изгуби од неговиот некогашен наставник Жозе Мурињо. Сампдорија - Рома 0-1 со голот на капитенот на гостите Лоренцо Пелегрини во 9’ минута. Дорија ја чека грчевита битка за опстанок зошто се убедливо последни со дури 7 порази и 3 нерешени без ниедна победа.

Осум дена, три натпревари - 4 погодоци за довчерашниот македонски репрезентативец кој на 35 години не престанува да тресе мрежи.

Килијан Мбапе немаше баш пријатен пречек на церемонијата за доделувањето на Златната топка во Париз. Мета е на големи критики од навивачите поради муабетите дека сака да си оди и плус го обвинуваат дека тој е виновник за лошата атмсофера во ПСЖ. На Зидан пак кој го доби признанието на Франс фудбал во годината кога Мбапе е роден, му го скандираа името.

По Рајмонд Копа, Жан Пјер Папен, Мишел Платини и Зинедин Зидан, Карим Бензема стана петтиот Французин во историјата кој успеа да стане најдобриот фудбалер во светот според Франс фудбал.

Кога Реал Мадрид ќе добие голем натпревар, Лука оди да им честита на сите. Ама буквално на сите. Од тренер, играчи, масери, стручен штаб. Сите ги испоштува после Ел Класико. Потег со кој се одржува и тимскиот дух.

Биднаа 20 години од нашето најславно реми против една од најславните генерации на Англија. 16 октомври 2002 - 16 октомври 2022. Англија - Македонија 2:2. Овој пат одиме со малку поопширен материјал покрај корнерот на Шаќири.

Во Франција се одигра дербито ПСЖ - Марсеј кое го добија домаќините со 1:0 со голот на Нејмар. А во Рен, домашниот состав го пречека Лион и победи 3:2. Овој меч остана во сенка на епизодата со главната судијка, Стефани Фрапар, првата жена судијка во историјата на францускиот и воопшто европски машки фудбал.

Леонард Жута е наш човек, роден во Шведска. Врза 15 настапи за Македонија во периодот 2015-2016. Играше за Ријека со Рики, со Бобан Николов во Лече, а сега е член на Волеренга од Норвешка. Што е со човеков, да не е фатен во кичмата?

Море какви пријатни спомени, трауми се тоа. Tуку фино ги раскажува, до стадиум да ја насмее публиката. Се изнапромашувал на Сан Сиро кутриот. Од страв.

Е во ова лежи убавината на стариот добар англиски фудбал. Задржан е уште во втората лига Чемпионшип и во подолните дивизии. Дербито Хал Сити - Бирмингем Сити доцнеше неколку минути затоа што судиите забележале дека едниот гол е два инчи, односно пет сантиметри повисок од другиот.

Во големото дерби меѓу Бешикташ и Трабзонспор, екипите поделија по бод (2:2). Гостите на два пати водеа, а Бешикташ се враќаше. Во еден момент нашиот репрезентативен капитен Енис Барди кој во Лига Европа постигна прекрасен гол од слободен удар, промаши чист зицер.

Манчестер Јунајтед оствари нов разочарувачки резултат сезонава, само 0:0 против Њукасл. Но во Премиер лига знаат да разочараат и судиите.

Реал Мадрид самоуверено со 3-1 ја совлада Барселона во првото Ел класико на сезоната. „Кралевите“ воспоставија контрола уште од сам старт и во прво полувреме го најавија победникот. Се појави статистички податок дека Чави бил најслабиот тренер на Барса по првите 50 меча.

Германскиот стратег постави одлична тактика во дуелот против страшниот Манчестер Сити и со голот на Салах црвените освоија три драгоцени бода. Во 85’ минута Јирген Клоп му се изнаурла на главниот судија Ентони Тејлор зошто не им досудил очигледен фаул. Овој без размислување го олади.

Спектаклот Ливерпул - Манчестер Сити траеше цели 100 минути. Во дербито на 10. коло црвените на својот „Енфилд Роуд“ со 1-0 го победија големиот ривал и му го нанесоа првиот пораз на гости во лигата од првото коло од минатата година и прв пораз сезонава уште од јули. Алисон асистент од свој петерец, Салах реализатор.

Во Гвардиола има доста материјал за една квалитетна комична компилација од разно разни спонтани ситуации. Последната е од првиот пораз вчера од Ливерпул.

Реал Мадрид го доби мечот на сезоната во Шпанија и со триумфот над каталонците од 3:1 изби на челната позиција. Сега има +3 пред Барса и е единствена екипа без пораз после 9 кола. Роберт Левандовски имаше колосална шанса, каква што обично не промашува.

Виљареал има 4/4 во Лига Конференции и со 12 бода е апсолутен лидер во групата. „Жолтата подморница“ синоќа со 0-1 ја победи Австрија Виена на гости. Победничкиот гол падна во 87’ минута. Стрелец 21-годишниот Сенегалец Никола Џексон. Асистент 35-годишниот ветеран Хозе Луис Моралес. Петица како Гути за Бензема на времето.