Баерн Минхен го запиша третиот пораз во само 9 дена, а по Лацио изненадување им приреди Бохум кој славеше 3:2 и тоа со пресврт. Мусиала го отвори резултатот во 14 минута, а само 4 минути подоцна му сервираше страшно јака топка на Кејн која ја упропасти.

Македонскиот центарфор кој растура со голови во Шкотска, до толку станува популарен, што и во концертни сали почнаа да го респектираат. Како гостин во публика го најави нашиот пијанист Симон Трпчевски, кој одржа концерт токму во Абердин.

Аталанта со 3:0 го згроми Сасуоло во италијанската Серија А, а јунак на мечот беше домашниот голман, 20-годишниот Марко Карнезеки кој одбрани два пенали едно по друго.

Дваесет годишиот корпулентен српски напаѓач Петар Ратков го постигна најбрзиот гол во историјата на австриската фудбалска лига. После само пет секунди од почетокот на мечот со Линц на гости, Ратков на среќен начин ја погоди мрежата со одбиена топка по голманска несмасна интервенција. 

Рома под водство на Даниеле Де Роси првпат играше во Лига Европа и одигра нерешено 1-1 со Феенорд на гости. Холандскиот тим до овој дуел на пет меча по ред не примил гол а синоќа Лукаку го израмни резултатот откако претходно 168 сантиметри високиот бек Игор Паишао со глава му донесе водство на Феенорд.

Дваесет и девет годишниот центарфор на Борусија Дортмунд Себастијан Але е играч кој каде и да играше се изнадава голови. Од Оксер преку Утрехт, Ајнтрахт Франфкурт, Вест Хем, Ајакс и сега Борусија Дортмунд. По настапи за сите француски репрезентативни категории решава да игра за земјата на својата мајка Брег на Слонова Коска. И на оваа репрезентција со голови во полуфинале и во финале ѝ го носи пехарот на големиот Куп на Африкански нации. А човекот во меѓувреме се оперираше на тестистите и прашање беше кога ќе се врати.

Милан го збриша Рен со 3:0 и со една нога е во осминафиналето од Лига Европа. Не се гледаат секој ден голови како овој на Леао.

УЕФА потпиша договор со компанијата Топс која ќе им биде официјален партнер за следните две Европските првенства 2024 и 2028. Таа ќе биде должна за ребрендирање на турнирите со официјални производи меѓу кои и албумот со слики. За амбасадор го назначија Жозе Мурињо.

Опта излезе со податок дека синоќешниот триумф на Лацио против Баерн им е само втор во нокаут фаза од Лига на шампиони. Да видиме кој е првиот.

Срдечна средба со топли поздрави на Хрват, Црногорец и двајца Срби. Се случи неодамна во Париз на ждрепката за Лига на нации, каде се сретнаа Драган Стојковиќ Пикси, новиот селектор на Црна Гора, Роберт Просинечки, Предраг Мијатовиќ и Стеван Стојановик кој бранеше за Ѕвезда кога ја освоија европската и светска титула. Колку само имаат што да си кажат овие легенди за златните фудбалски денови во кои беа главни ѕверки.

Со Баварците нешто се случува, бидејќи Баерн некако не личи на Баерн, а најмалку оваа недела кога се соочија со два порази од кои може да им зависи сезоната.

Винисиус Жуниор е врвен фудбалер. Сјајно игра за Реал Мадрид и за Бразил ама има некоја глупава потреба да ги иритира домашните навивачи каде и да игра. Во Шпанија поради тој циничен став често го навредуваат со мајмунски крици, го пцујат и плукаат од трибините па се жали дека оваа земја била фашистичка. А така се однесуваше и во Лајпциг каде ги нервираше сите од прв до последен.

Во Рим синоќа беше голем фудбалски празник кој лацијалите го прославија со 1:0 против големиот фаворит Баерн Минхен. Увертирата пред мечот беше нешто посебно. Легендарната „My Way“ од Френк Синатра со пејач на терен, но и со хор од 60.000 навивачи.

И Кристијано Роналдо синоќа имаше натпревар во Лига на шампиони, ама во азиската каде му донесе минимална победа на својот тим.

На преполниот „Олимпико“ во Рим, во првиот меч од осминафиналето од Лига на шампиони, Лацио го совлада Баерн Минхен со 1:0 и обезбеди пристоен резултат пред реваншот во Баварија. ПСЖ рутински со 2:0 го реши Реал Сосиедад.

На местото кое многумина го сметаат за епицентарот на светските случувања, некои дечки навивачи за Јувентус решиле да си откупат билборд (рекламен подвижен) и на него да напишат парола: „За да се врати Јувентус, Алегри аут!“

Меѓу фудбалските дебати под нашите статии кои од синоќа се разгорени за поништениот гол на Лајпциг, под видеото за фаулот на Карвахал се појави чудна понуда од чуден профил упатена до наш читател. Одговорот кој го доби е класика и скроз на место.

Нигерискиот комичар Чуквудике Чијоке познак под псевдонимот Iamdikeh има интересно видео со имитација на познатите европски тренери. Ги скинал добро Пеп, Анчелоти, Клоп, Тен Хаг и други.

На мечот Ротерам - Хал Сити во англискиот Чемпионшип, гостите победиле 1-2 после пресврт направен во само четири минути од 71-ва до 75-та минута. Израмнил младиот 22-годишен Џејдон Филоген после голема мајсторија. А голот никој не знае зошто му е препишан како автогол на Камерон Хамфрејс.

Многу полемики предизвика поништениот гол на Лајпциг уште во 2 минута од осминафиналето против Реал. Нејаснотиите произлегоа од кој друг ако не од судијата и заспаните колеги во ВАР собата кои често сезонава прават грешки. Овде не е проблематична позицијата на стрелецот Бенџамин Шешко, туку на Бенџамин Хенрикс кој од офсајд позиција го турка малку голманот, доволно за поништување на голот.

Судијата Ирфан Пељто од Босна и Херцеговина немаше добра арбитража на мечот РБ Лајпциг - Реал Мадрид. Направи неколку грешки меѓу кои најголема му е онаа кога не досуди ниту фаул а камоли да покажеше картон во најмала рака жолт за Дани Карвахал во дуелот со Чави Симонс уште во првиот дел при резултат 0:0.

Реал Мадрид во Германија отпатува драстично ослабен во одбрана без Рудигер, Алаба и Милитао, како и без Куртоа. Ама затоа можат да бидат горди на нивниот трет голман, 25 годишниот Андриј Лунин кој одигра перфектна партија и тоа на дебито на нокаут меч во ЛШ. Сè им фати на домаќините и забележа дури 9 одбрани, колку имал само Куртоа во последниве осум сезони.

Во отворен меч со многу шанси и дури 9 удари во рамки на гол на Лајпциг, наспроти само 3 на фаворитот Реал, сепак пресуди искуството на кралевите кои пред реваншот во Мадрид обезбедија минимално водство од 0:1. Диаз се истакна со велеслалом. Елмас влезе во 75 минута. Манчестер Сити има одлични 1:3 од гостувањето во Копенхаген.

Осминафиналната пресметка меѓу Лајпциг и Реал Мадрид заврши без голови по првиот дел, но веќе во 2 минута од мечот бевме сведоци на чудна судиска одлука. Бенџамин Шешко постигна гол кој на повторената снимка изгледа целосно регуларен, со оглед на неговата позиција, но со помош на ВАР главниот судија досуди офсајд. Твитерот веќе гори и ова е многу контроверзна одлука за која некој ќе треба да даде објаснувања и одговори. Елмас е на клупа.