Противниците на Реал Мадрид нема да се плашат само од Мбапе, Винисиус, Родриго, Белингем. Сцената почнува да ја запоседнува и сензацијата од Палмеирас по име Ендрик. Пред два месеци наполни 18 години и веќе стана најмлад дебитант на Реал кој стрелал во Ла Лига, а синоќа и најмлад стрелец во ЛШ за кралскиот клуб. Цел терен го претрча и на крај се реши за ризична и дрска завршница.

Кутриот хрватски првак помина како бос по трња на „Алијанц Арена“ каде Баерн Минхен му спакува неверојатни 9 гола. Динамо Загреб до 50’ минута имаше активен резултат 3:2, создаде и неколку шанси и играше добро, а од тој момент следуваше стрмоглав пад па за половина час прими 6 гола. Навивачите и екипата сега се на удар на мајтапџии.

Горанманијата во Интер е присутна и 14 години после освојувањето на незаборавната тројна круна. Управата го покани да им биде гостин на отворањето на новата сезона од ЛШ и тоа на гостувањето против Манчестер Сити. Се појави и на тренингот, а први кои го поздравија беа Лаутаро Мартинез и Николо Барела. Каква почит и на клубот и на играчите кон нашата легенда.

Новата сезона со нов формат во Лига на шампиони стартуваше со канонада од голови. Во Минхен, на „Алијанц Арена“, Стефан Ристовски и Аријан Адеми беа сведоци на историскиот срам на Динамо Загреб кој прими дури 9 погодоци од Баерн Минхен. Јувентус се справи со ПСВ Ајндховен, Реал многу потешко со Штутгарт, а Астон Вила најави интересна сезона.

Со два меча од 18:45 часот и уште шест од 21:00, стартува изданието број 70 во најелитното клупско европско натпреварување. Ќе се игра проширено, во ново руво, наместо со 32 со 36 екипи. Оваа реалност која ќе ја видите во клипот, уште долго време ќе остане непроменета. Бранителот на титулата Реал Мадрид го пречекува Штутгарт.

Легендарниот капитен и столб на одбраната на Јуве се врати во својот дом во кој престојуваше 17 години. Улогата која ја доби е невообичаена за фудбалер, но сепак ќе работи по струка.

Колку беше Пандев важна карика каде и да играше во Италија, ќе ви покаже и насловната на Кориере на која налетавме. Стара е 12 години од третото коло во Серија А, септември 2012-та. Коло во кое Јуве, Наполи и Лацио победиле по 3:1. Стрелци: Пандев, Инсиње и Кавани за Наполи. Џакерини, Вучиниќ и Азамоа за Јувентус. Хернанез (2) и Клосе за Лацио.

Актуелниот селектор на Србија Драган Стојковиќ - Пикси важи за еден од најдобрите фудбалери од овие простори на сите времиња. Некои би рекле дека таква 10-ка немало и сè уште нема од регионов. Пикси беше волшебник со топката. Едно време ги забавуваше и Јапонците каде играше па стана и успешен тренер со освоени трофеи.

Прво, основно и фундаментално. УЕФА се намерачила од сегашните многу пари, да прави уште повеќе пари, бидејќи од оваа сезона ќе се играат дури 64 натпревари повеќе. И после зошто се повредувале многу играчите.

Адана Демирспор загуби 2:1 на гостувањето против Анталијаспор со гол во 98-ма минута. Гостите израмнија во 84-та минута со евроголот на колото во турскиот шампионат, дело на Салих Кавразли. Најпознатите информатори за резултати Лајвскор и Резултати, за чудо како стрелец го напишаа македонскиот репрезентативец, Јован Манев.

Мексиканецот Уго Санчез имал крајно богата кариера а станал голема, огромна легенда на „кралскиот клуб“ Реал Мадрид за кого од 1985-та до 1992-ра на 207 меча дал 164 голови. Она што беа Бензема и Роналдо за Реал во помодерна историја, тоа бил Уго Санчез на времето. После Реал играл во помали клубови како мексиканска Америка, Рајо Ваљекано, Атланте, Линц, Далас Бум и други но она што го правел во Реал е за вечност. Еден е од најдобрите стрелци во клупската историја.

Во последниот натпревар од 5. коло во португалска Примеира, Естреја Амадора и Боавишта одиграа 2-2. За домаќините гол дал 37-годишниот Нани, некогашниот играч на Спортинг Лисабон, Манчестер Јунајтед, Фенербахче, Валенсија, Лацио, Орландо, Венеција, Мелбурн и Адана Демирспор. Нани од август годинава е член на Естреја Амадора, мало португалско клупче кое ќе се бори за опстанок во Примеира сезонава.

Рајо Ваљекано со пресврт ја доби Осасуна (3:1) и сигурно си обезбеди место во листата на најатрактивни погодоци за оваа сезона во Ла Лига. Абдул Мумин испука екстремно силен проектил и тоа од тежок агол.

Денес апсолутно заслужено голманите се заштитени како бели мечки па во нивниот простор, во петерецот не смее глас да се слушне. Ама не било така и порано. Им влегувале во дуели со лактови, со тупаници, со колена, а влегувале и тие на противниците.

Клупскиот фудбал е на самиот почеток и веќе ја имаме утката број 1 за оваа сезона, која тешко дека некој може да ја надмине за скоро. Необјасниво непрецизната завршница е дело на Ебу Адамс од Гамбија на мечот Дерби Каунти - Кардиф Сити. Среќа барем што неговите победија.

Хулк е тоа, не чудете се. Разни реклами има со неговата „супер моќ“.

Стартува неделава новата сезона во ЛШ, со новиот чуден концепт. Место 6, ќе има 8 кола во првата фаза од кои последните две ќе се играат во јануари. Во прво коло ќе се игра и во четврток. И кога сме кај темава, погледнете на какво опасно ретро налетавме. Составите од финалето во 95-та меѓу Ајакс и Милан (1:0). Да не знаеш кој е пострашен.

Шкупи викендов ја пречека Шкендија во рамките од 5. коло во македонска прва лига. Но овде не гледаме ништо македонско, ниту во најавата, ниту на билетите, ниту кај конечниот резултат. Туку само национализам пуштен на најјако. Дали ова значи дека кога ќе играат на пример Вардар и Пелистер, картите треба да се продаваат со ликовите на Гоце Делчев, Даме Груев, Питу Гули и Никола Карев?

Германски Штутгарт едно време беше редовен учесник на еврокуповите, но откако западна во резултатска и управувачка криза, популарните „шваби“ цели 15 години не видоа Лига на шампиони. Сега конечно се дел од елитното друштво, од кремот, па спремија и едно видео за таа прилика. Со маскотата Фрицл.

Она што веќе неколку месеци се најавува, конечно ќе започне: процес на сослушување за неправилности во фер-плејот. Поднесени се 115 пријави против Манчестер Сити за финансиски неправилности. Сослушувањето ќе трае отприлика 10 недели а сега е неизвесна и иднината на клубот која е под прашање.

Натпреварот од квалификациите за Светско првенство 2026 меѓу Бразил и Еквадор (1:0) одигран пред неколку дена, започнал со 20 минути подоцна од планираното поради тоа што во земјата завршувала најгледаната серија.

Каталонскиот тим бележи супер старт сезонава и има 5 од 5 со убедлив напад од 17 постигнати гола, за разлика од Реал и Атлетико кои имаа по 4 бода и по 8 постигнати голови помалку. На последните два меча на Реал Ваљадоил дома му дадоа 7, а на Жирона викендов на гости 4. Погледнете ги какви акции прават.

Тимот на Го Ахед Иглс во холандското првенство со 1-2 ја совладал Спарта Ротердам. Стрелец на победничкиот гол бил Виктор Едвардсен во 53’ минута кога решил со лоб да го матира домашниот голман.

Уште одамна низ чаршијата имаше муабети дека кај одредени селектори, постоеше опција да платиш по неколку илјади евра, за да добиеш место во националниот тим. На тоа незгодно прашање одговор дава Боби Милевски.