Одамна го немаме видено Куманово, но од она што го видовме во репортажата, сиве овие години на транзиција очигледно го немаат видено и неговите градоначалници. Насловот на репортажата е „Урнатини на социјализмот“ а градот нуди доста материјал за таов наслов.

Кога лансираш ракета на далечен пат, нејзината непрецизност на почетокот може да изгледа мала и небитна но како што проаѓа време и растојание, грешката во траекторијата станува сè поголема и повидлива за на крај таа да отиде негде уџум. Значи, зошто сме ваму кај што сме во 2019-та година? Можеби затоа што вака тргнавме во 1991:

Во една ТВ прилика, градоначалничката неприлика Петре Шилегов бомбастично праша „Дали знаете дека ова наше Скопје 20 години не е измиено?“ И дека сега тој и неговите ќе фатат и ќе го измијат. По којзнае колку време, деновиве во Скопје паѓа дожд и одма ти станува јасно колку го имаат измиено.

Се вртам кон останатите обескартени кои како со стрела прободени спуштаат поглед, стандарна глетка за нашиот менталитет. Кај нас стана пракса да си тотално океј кога ништо не е океј, ама пак јас океј сум дека мене тоа не ми е океј.