Гоце Вегета доби опомена да не настапува со паушални оценки за да се задржело нивото на емисијата. Опомената ја доби на телевизијата која во 2018 година ни соопшти дека сме добиле датум за старт на преговори со ЕУ. Да видиме за што зборуваме.

Во време кога една министерка со инспекции и казни сака на луѓето да им утера дигитализација во коски, едно друго министерство бара од здравствените установи редовно да пополнуваат еден образец за дијагностика и остварени прегледи.  Аналоген да поаналоген не може да биде.

Дечко се јавува во програма за да сподели дека на работа има шеф кретен кој постојано го малтретира, не му почитува ни викенд ни празник, дека за сешто го користи, а дека и платата не е никако сјајна. „Па добро, зошто го трпиш тоа, што не дадеш отказ?“ го прашува водителот. Тука сме!