Откако во 2013 на ЕУ и прекипува од даночното глумење лудило на Ирска и почнува да ја гази својата членка да прекине со тинтрањето на мултинационалните корпорации, Епл се пушта во потрага по нов даночен рај. Го наоѓа во Англискиот канал веднаш карши брегот на Франција, на островот Џерси. Речиси инстантно централата на компанијата и 252 милијарди долари неоданочен приход беа преселени на островот.

По големина на купчето готовина Епл без конкуренција е на прво место, по сумата пари што се чуваат вон дофат на властите САД имаа друг шампион.

Поставувајќи го ова на наједноставен можен начин, професорот по политикологија на Нортвестерн и автор на книгата Олигархија, Џефри Винтерс, објаснува: "само затоа што можам за евтини пари да купам багер, тоа не значи дека багер ќе врши работа за кај мене во двор."

Единствената причина за постоење и основање фантомска компанија е криење пари од некого. Во одредени случаи ова криење пари не мора да биде од крајно криминални побуди, иако така изгледа.

Три од четири американски компании од топ 500-те на Форчун, имаат барем една офшор подружница, со тоа што некои имаат регистрирано и над 100. Само овие 500, преку офшор филијалите, избегнуваат да платат околу 620 милијарди долари данок.

Микрософт кон американската влада има сличен однос како другар што ти должи пари и секој пат кога ќе налетате еден на друг те поздравува, те гушка, и не ти ги ни спомнува парите, ама прашува како сте по дома. Само што во ова другарство Микрософт должи околу 30 милијарди долари.

Истата новинарска мрежа која минатата година собра 2,5 милиони документи со податоци за светски офшор компании, сметки и фондови, деновиве го објави својот извештај на тема Кина и офшор сметки на кинески функционери, на број - 22.000 клиенти.