Арсенал и Тотенхем влечат старо фудбалско ривалство во нивното лондонско градско дерби, кое оди во сенка кога е во прашање оваа вест.

Насилството носи верижна реакција, појава која што не ја обучиле овие португалски редари кои го добија тоа што го бараа.

Кога пеат „И да одам на небо и таму ќе те бодрам“, Јужноамериканците и Мексиканците буквално го мислат тоа. Така по смртта на еден навивач на мексиканскиот клуб Тибуронес Рохос, неговите другари го испратиле со бакљи, песна и труби.

По 2004-та Португалија повторно се избори за финале на Европското првенство кое никогаш го нема освоено и покрај тоа што од ЕП 1996 секогаш стигнува до нокаут фазата. Паралелно со навивачите кои беа во Лион, во транс за пласманот во финалето беа и оние во Лисабон.

Додека навивачите и играчите на Исланд се испраќаа на стадион по дуелот со Франција, нивниот препознатлив поздрав ечеше и во Исланд. Од оваа фудбалска приказна треба да учат сите земји кои не веруваат во својот потенцијал и не знаат да работат во фудбалот.

Селекцијата на БиХ се избори за прво историско учество на СП Бразил 2014, а се надеваа дека за прв ќе ги има и на ЕП, ова во Франција. Последната пречка која не ја минаа беше Република Ирска во баражот. Нивните навивачи го следат Европското и жалат што не се таму, но прашуваат дали им стало и на играчите или поубаво им е на море.

Во најновата епизода на навивање и пеење со здружени сили на две различни навивачки групи, креатор е еден Хрват кој ги крена на нозе Шпанците во еден локал во Бордо. Подобро од нив ја знае.

Додека Ирска го држи приматот на најдобри навивачи на Европското првенство каде на секој ќош прават забава, освен од Швеѓаните добија конкуренција и од Белгијците кои на девојчево, инаку навивачка на Ирска, со еден мал гест и направија да биде посреќна. Видеото е од железничката станица во Бордо.

Кошаркарите на Кливленд ја прекинаа најдолгата серија на еден град од САД и Канада кој бил без трофеј во четирите главни спортови на континетот (НФЛ, НБА, НХЛ и МЛБ) од 1964-та. Сега тоа е Милвоки кој последен пат се радувал на титула во НБА (1971). Навивачите со право го превртија градот наопаку. Пред мајсторката се качија на една катна гаража, а потоа по коли и пожарникарно возило.

Фудбалската репрезентација на Русија ќе биде исфрлена од Европското првенство во Франција, доколку нивните навивачи направат уште една тепачка на стадион.

По серијата тешки видеа за гледање од Марсеј, конечно стигна нешто интересно од Франција. Навивачите на Ирска почастиле пиво еден случаен минувач, па му ја испеаа фамозната песна за браќата Коло и Јаја Туре.

На полуфиналниот меч од плејофот во германската лига за играчи до 19 години, младинците на Дортмунд и Минхен 1860 ги гледаа дури 15.117 луѓе.

Ливерпул ќе добие само 10.000 влезници за финалето на Лига Европа против Севиља во Базел, што е далеку од побарувачката за карти со која овој клуб се соочува. Клоп ѝ тера инеат на УЕФА и ги вика сите без карти да дојдат.

Дестинацијата Мадрид – Лисабон на 24 мај 2014-та беше задолжителна за навивачите од главниот град на Шпанија. Но тој пат со кола се тепаше за околу 6 часа. По две години ново градско дерби во финалето од ЛШ, но овој пат треба да се решат за авантура од 1.600 км или пола плата на фудбал.

Легија Варшава беше домаќин на финалето од Купот на Полска против Лех Познан кој го доби со 1:0 изминатиов викенд. За полските фанатици фудбалскиот празник во Варшава не почнува на стадион.

За притисокот врз судиите ги бие лош глас во Италија уште од времето на Ањели и Моџи, па еден огорчен навивач на Интер собирал спорни ситуации од целава сезона со кои нападна навивачка на Јуве која ја слави петтата титула по ред и која се реши за кус одговор. Вака оди тоа по блоговите.

Хокејот е најпопуларен спорт во Шведска. Доказ за тоа е и прославата на шампионскиот трофеј на Фролунда во хокеарското првенство на оваа скандинавска земја. Со бакљи, со огномети, со триста салтанати.

Ракометната треска во четвртфиналето од Лигата на шампионите стартуваше околу два часа пред мечот во фан зоната пред салата Јане Сандански. Навивачите на Вардар и Веспрем заедно се во исчекување на првата голема пресметка која се надеваме дека ќе ја добијат црвено - црните.

Аранжманот се нуди во Премиер лигата, цената не е баш евтина, но идејата звучи доста интересна за англиските навивачи кои со оглед на нивната страст кон фудбал, сигурно ќе побараат уште 10 возови да тргнат во исто време.

Навивачите на Ливерпул одамна не уживаа на едно дерби против Евертон како вчера. Со 4 прекрасни гола го испратија комшискиот состав, а во еден момент непрестано го диригираа славеничкото „оле“!

Аргентинската тифо сцена е незгодна и за жал често пати во тој фудбалски дел од планетата паѓаат и жртви. Но тие дечки знаат да направат толку добра фешта, што на човек му доаѓа да им ја запее и научи химната па и во случај да не им го сакате клубот. 47 секунди со навивачите на Бока Јуниорс кои ќе ви летнат за 5.

Пред 4 години Глазгов Ренџерс беше четвртолигаш, а минатиот викенд го елиминираше Селтик во полуфинале од шкотскиот ФА купот. Двајца другари пеналите кои завршија 5:4 за Ренџерс ги проследија многу емотивно, но без кошкање и покрај тоа во живот не би си смениле дрес.

15 април 1989 година е најцрниот ден за британскиот фудбал. Оваа трагедијата која зема 96 животи (сите навивачи на Ливерпул) на полуфиналниот натпревар од ФА Купот помеѓу Ливерпул и Нотингем Форест на стадионот Хилсборо во Шефилд, секоја година се одбележува во чест на жртвите.