Алкалоид како победник на Купот на Македонија го совлада шампионот Еурофарм Пелистер со 33:30 во финалето од Суперкупот и го смести вториот трофеј во својата витрина. Филип Кузмановски после црвен доби и син картон, инаку воведен пред 9 години. Освен исклучување, тоа значи дека ќе добие и дополнителна суспензија поради груб прекршок.

Мотивацијата да игра во родната Битола, каде ги почна првите ракометни чекори, на Филип Кузмановски му се забележи уште во првата минута и првата акција на мечот кој го отвори со гол кој се најде и во изборот на ЕХФ. Фитиљ се врати во македонскиот ракомет после четири години минати во Германија каде играше за Магдебург, Хановер и Вецлар.

Младите избраници на Лазаров синоќа го подобрија малку впечатокот после она сивило на Светското, кое беше мачно за гледање. На моменти се носеа добро со фаворитот Португалија, а на средина од вториот дел се изборија и за пресврт, кој го запечати Кузмановски со бомба.

Филип Кузмановски одигра блескав меч во 32. коло од Бундеслигата во кое Хановер го совлада Ерланген со 28:27. Македонскиот репрезентативец постигна 6 гола, а на околу 20 секунди до крај украде топка и од половина терен стрелаше за победа.

Филип Талески со 6 и Филип Кузмановски со 8 беа двајцата најефикасни стрелци во победата на Македонија, вредна пласман на Светско. Мрква немаше лек за вртенката на Тале или вртимушка како што ја кажа коментаторот, како и за влезот на Фитиљ кој се проби како шило и се крена на шут од 10 метри.

Во пресрет на бараж двомечот со Чешка (13 и 17 април), радува формата на Филип Кузмановски кој со 7 гола од 8 обиди, беше еден од најдобрите ракометарите на Хановер викендов. Фитиљ со атрактивен гол во последниот напад му донесе голем на својот тим на гостувањето против Фуксе Берлин.

„Морам да потенцирам дека ако не беше Лино Червар, јас немаше да се занимавам со спорт или да бидам ракометен професионалец. Тој ми беше тренер, но и втор татко“.

Од мечот на Македонија против Финска, која се мачеше и 45 минути играше блед ракомет, се најде и нешто убаво за око. Тоа е решението на Стоилов кој ги измами домаќините и наместо на Лазаров, му ја даде на Кузмановски, а овој даде атрактивен и тежок гол во паѓање.

Македонската ракометна репрезентација го игра првиот бараж меч од двобојот против Романија за влез на СП 2019. На терен гледаме една чудна ситуација. Немања Прибак и Филип Кузмановски немаат испачатени бројки на дресовите. Снемало жолта боја или ги утнале на пријавување па морале да ги корегираат на лице место? Не ни текнува трето.