Струмичкиот вокален раритет и фотошоп иноватор Коста Бургов ни е долгогодишен пријател и миленик со кого негуваме искрена и нежна коресподенција. За жал, сè поретко прави нови песни (последно правеше кукли со негов лик), но токму тоа е една од темите за кои сака да ви зборува.

Што се однесува до нас, 2013-та може одма да заврши а 2014-та одма да почне. Коста Бургов штотуку го извади календарот за следната година, календар по кој би можеле да се баждарат и јулијанскиот и грегоријанскиот.

Нема нова песна (штета!), ама направил спот, еден видео мешап во кој не е секогаш јасно "где Дунав љуби небо", тоест каде престанува Коста а продолжува Мики. Освен кај делот со човекот кој цврсто се држи за пожарникарски скали и гледа право, за кој сме сигурни дека е нашиот. За да не навлегуваме во провизорни интерерпретации на поетиката на Бургов, го запрашавме самиот автор за што тој уствари пее во оваа песна. Еве што ни одговори во својот - како и секогаш, запирка фри - допис: