Видеото на прва ни изгледаше на некаков летен собир и одбележување на некаква прослава, но кога прочепкавме на интернет, сфативме дека се работи за стара ватерполо приказна која почнала од пред еден век.
„The Wild League“ или „Дивата лига“ потекнува од 20-те години од минатиот век, односно после Првата светска војна, кога имало дискусии за повторно воспоставување на Дубровничката Република, укината од Франција на Наполеон, 110 години претходно.
Младите жители на Дубровник почнале да се собираат на летувалиштата во градот за време топлите летни денови. „Република Данче“, „Република Порпорела“, „Кралство Бање“ и „Кралство Колорина“ биле најпознати и секој еден од нив имал уникатен сет на правила и прописи кои вклучувале сè, од бои, песни до разни ритуали. Подоцна сите имале и свои тимови.
Започнале голем број натпревари и фестивали во спортови на вода. Во летото 1919 година, „Република Данче“ била прогласена за најорганизирана. „Дивата лига“ се родила надвор од средбите на овие ватерполо тимови. ВК Југ ја имала својата генеза во овие групи.
Тимовите поделени на Републики и Кралства се натпреварувале едни против други во поединечни натпревари пред Втората светска војна. Првите првенства се одржале во 50-тите.
После години на неактивност, турнирот бил обновен во 1983 година, но поради финансиски малверазии, се формирале две Диви лиги во 2012 година, по една за секој месец од годината.
Ватерполотото на пристаништето во Дубровник добило на толку големо значење што почнале да го покриваат и странски медиуми. Германски Билд ја навел „Дивата лига“ во нивната листа од 100 апсолутно уникатни светски спортски настани од 2005 година.
Основана е во 1923 година од страна на Спортскиот клуб Југ, а ја посетил и Руди Реш, 27-годишен светски признат пливач и ватерполист.
Реш го избрал младиот тим на Данче бидејќи бил најорганизиран. Почнал да ги тренира учејќи ги правилата за ватерполо. За време на неговиот престој во Југ, работел како тренер и играч, но и како фудбалер. Тие му должат многу и сè уште го почитуваат она што тој го направил за спортот во Дубровник.
Првиот меѓународен натпревар, Дубровник го одиграл на 3 август 1924 година против англиската флота, а можноста да се натпреваруваат ја добиле играчите на тимот Пенатур.
Англија во тоа време била најдобрата ватерполо репрезентација во светот. Со оглед на тоа што ги пропуштија игрите во Сент Луис, тие успеаја да победат четири од петте олимписки игри на кои учествуваа.
Интересно, капитенот на тогашната репрезентација на Англија, Паоло Радмиловиќ е роден токму во Дубровник. Натпреварот го добиле Англичаните.
