Во една таква професија како неговата, не можеш да знаеш кој сè може да ти се качи и со кого да се замери, а ниту би помислил дека на можеш да завршиш повреден и без кола. На крајот излегува дека треба да се среќен што останал жив.

Играчот со број 15 се вика Хуанми Калехон и му е брат на Хозе Калехон од Наполи. Игра во Боливија и се простува од својот клуб Боливар за кој го одигра последниот натпревар. Детево не го пушта да си оди за жива глава и го моли да остане. Какви емоции за фудбал уште од мал.

Баварците имаат пристојна фан база во земјава, а клубот тоа знае да го цени, па меѓу другите јазици на кои се заблагодари за поддршката во 2019-та година, го употреби и македонскиот.

Улухан Арслан е голман на турскиот нисколигаш Ордуспор. Пред еден меч договорил интересна сцена со навивачите и соиграчите која што ја реализираше по крајот на натпреварот. Девојка му Мелиса Јилдиз во шок.

Вака, на голема оддалеченост од нив, уживаме во благодетите на англиската Премиер лига во празнична атмосфера, ама за навивачите таму има многу работа. Особено ако се знае дека за клубот би оделе и на Марс.

Традиција која трае 16 години и која по многу нешта е поврзана со фудбалот: во пресрет на Божиќ, на стадионот на Унион Берлин се собираат околу 30.000 луѓе.

За оние кои не знаат, во италијанската кошаркарска Lega Basket Serie A (LBA) има бајаги сериозно градско дерби: Фортитудо Болоња - Виртус Болоња, два клуба кои имаат голем број навивачи зад себе и широки трофејни сали. Вечерва од 20:30 се игра градското дерби а навивачите на Фортитудо го најавија со едно сеќавање од пред десетина години.

Кале, МНТ, а сега и најново видео од центарот на Скопје на кое се тепаат млади луѓе за кои се претпоставува дека напаѓачите се дел од навивачката група Шверцери. Комити направија компилација со која сакаат да укажат дека нивните ривали никогаш не одговараат.

Навивачите на Челси беа во делириум по победата на нивниот тим над лутиот градски ривал Тотенхем и тоа на негов стадион на гости. Вилијан 2 пати го матираше домашниот голман, „сините“ освоија 3 важни бода а на крајот од мечот најмногу се израдува Френки Лампард.

Давид Вујаниќ го има рецептот. Од прва е тешко, како и сè друго. Од втора исто клај-клај, ама возот кога ќе тргне веќе е тргнат. Давид Вујаниќ е познат навивач на Ливерпул, роден во Книн, а преселен во Лондон каде денес живее. Брановите ги проба на полуфиналето на Светското клупско натпреварување меѓу Ливерпул и Монтереј (2:1).

Од прославата со трите јубилеи во едно, 20 години Лолај Фанс, 10 години братство со Војдови и 5 години Комити Маџари, кои ги прославија на дербито против Шкендија, Комити извадија ново парче видео. Овој пат во главна улога е млада навивачка на Вардар по име Фросина Пепоска која растури под Запад.

Се следат, се поштуваат и се бодрат едни со други. Пријателството меѓу навивачите на Шалке и Вардар трае 15 години, а германските ултраси овој пат на средбата против Ајнтрахт Франкфурт со голем транспарент им го честитаа 20 годишниот јубилеј на Лојан Фанс.

Холандскиот фудбалер од средниот ред на Аталанта, Мартен Де Рон и неговата претпоставка за тоа дали ќе има некој на аеродром откако ќе се вратат дома со пласман во осминафинале во ЛШ.

Што се вика уште не почнати, незагреани и се разбира без грешка на терен, бидејќи од мечот Силекс - Академија Пандев беа поминати само 30 секунди, некој веќе само тој знае како и зошто беше инспириран да го украси преносот на МТВ со збор кој ќе го чуете на крајот на видеото.

Во наше време, а колку што знаеме така е и сега, пред утакмица одиш да се загрееш малце во Дебар Маало и тоа е тоа, пошто таму само семки може да внесеш. Во Англија и Германија обично пиво се купува на полувреме. Ама ова е Јужна Америка, а ова е фан на Ривер Плејт кој не е само по белиот дрес.

Виктор има 85 години, а Џојс 82. Двајцата се од градот Ливерпул и заедно го гледале Мерсисајд дербито Евертон - Ливерпул повеќе од 6 децении! Пред вечерашното ново дерби кое ќе се игра на „Енфилд Роуд“, тие двајца раскажаа сеќавања. Џојс е за „црвените“ а Виктор е за „карамелите“. Врвна прича.

„Die With Your Boots On“ е името на уникатната соработка меѓу легендарниот бенд IRON MAIDEN и премиерлигашот од Лондон, Вест Хем Јунајтед. Навивачите на клубот ќе може да набават дресови со името на овој бенд чии следбеници исто имаат симпатии за „чеканите“:

Најголемата голеада на синоќешните средби од Лига Европа се случи во Шведска, каде Малме го совлада Динамо Киев со 4:3. Голот за победа падна во 6-та минута од продолжението и значи втора позиција за Швеѓаните кои остануваат со шанси за следна рунда. Ова е таа емоција играч - навивачи.

Вилнус, Волгоград, Ритас, Казањ, Краснодар, Киев, Каунас се само некои од далечните дестинации на Милорад, навивач на белградски Партизан кој и зиме и лете чека автостоп по автопатиштата за да стигне до дестинацијата каде игра неговиот клуб. Денес, после 3 дена од Рига стигнал до Холандија каде „црно-белите“ играат против Аз Алкмар во Хаг.

Група навивачи на шведскиот клуб Малме, го изразија својот гнев што нивниот миленик до вчера, Златан Ибрахимовиќ купува 50% од акциите на клубот Хамарби. После капакот од вц шолја, сега запалија неколку бакљи врз неговата статуа. И што со тоа?

Што поради близината, што поради одличните настапи на нивниот Динамо, околу 5.000 навивачи на хрватскиот шампион отпатуваа за Милано каде вечерва играат против Аталанта. Тимот од Бергамо во Лига на шампиони игра на „Сан Сиро“, место каде вечерва се судрија хулигански групи.

Тешко е и да се објасни и да се сфати начинот на кој јужноамериканските навивачи го доживуваат фудбалот, бидејќи приказните и случувањата кои ни доаѓаат од таму, едноставно ги нема на друго место. Погледнете го навивачов на Бока Јуниорс, се изгуби и тоа уште не влезен целосно на Ла Бомбонера.

Денес меѓу навивачите секој си толкува како што му одговара, па така оние на чаирска Слога прославија јубилеј од 30 години од своето основање (веројатно кога првпат го виделе стадионот, затоа што јубилеј се слави кога првпат си започнал со организирано навивање а тоа подразбира сè што подразбира, не грицкање семки).

По болниот пораз во финалето на Копа Либертадорес кога водеа 1-0 до 89’ минута а после во безмалку 120 секунди примија два евтини гола и изгубија од Фламенго, играчите на Ривер Плејт се вратија во Буенос Аирес. А таму, љубов на квадрат со навивачите.