Offside › Набрзинка

ИМТ одредил цена за карти 1.500 денари, играчите на Партизан купуваат за навивачите

19 декември 2025

Пред неколку дена се крена голема врева во српското фудбалско првенство откако тамошниот прволигаш ИМТ кој е клуб од Белград а своите натпревари ги игра на новиот стадион во Лозница, решил влезниците за дуелот против лидерот Партизан да изнесуваат од 3.000 динари (од 1.500 македонски денари) па нагоре.
Ова ги шокирало навивачите на Партизан чии фудбалери сегашни и поранешни решиле да дадат од свој џеб со цел да купат карти за навивачите. Собрани се околу 10.000 евра кои ќе му се платат на ИМТ за вкупно 400 влезници.
Натпреварот се игра во сабота од 18.00 часот на „Градскиот стадион“ во Лозница. Од Партизан итно се огласија и соопштија дека купиле карти на иницијатива на играчите и дека ова укажува на длабоката поврзаност меѓу играчите и навивачите.
ФК Партизан е прв на табела после долго време. Има 4+ бода повеќе од второпласираната Црвена звезда која веќе 8 години по ред е шампион на Србија. Се очекува до крајот на сезоната да има голема борба за титулата меѓу вечните ривали.

View this post on Instagram

A post shared by FK IMT (@fk.imt)

извор

Елмас на крајот ќе игра за трет клуб во Италија

11 август 2026

Откако му заврши позајмицата во Наполи по крајот на сезоната, Елиф Елмас се врати во РБ Лајпциг, бундеслигашот со кој е под договор. За 26-годишниот македонски репрезентативец сега интерес покажала Фиорентина но Елмас побарал малку време да одлучи каде да ја продолжи кариерата.
Според актуелните проценки, пазарната вредност на Елмас изнесува околу 13 милиони евра, додека РБ Лајпциг наводно бара најмалку 15 милиони евра за неговите услуги. Претходно, германскиот клуб одбил понуда од 10 до 11 милиони евра за негов трансфер.
Елмас досега играше за два клуба во калчото, тоа се Наполи и Торино

извор

Конечно падна договор: Влаховиќ најде нов клуб

11 август 2026

После повеќемесечна шпанска серија за тоа каде ќе ја продолжи кариерата, изгледа дека конечно е пронајдено решение. Душан Влаховиќ е близу трансфер во турски Бешикташ со кого утре треба да потпише 3-годишен договор односно до лето 2029-та а се очекува да заработува најмалку 10 милиони евра годишно.
Турскиот суперлигаш од Истанбул прифатил да плаќа и провизија меѓу 15 и 20 милиони евра што е значително повеќе од досегашната сума.
Ова ќе биде целосно ново поглавје во кариерата на српскиот репрезентативец кој во Италија играше за Фиорентина и Јувентус а потекнува од школата на белградски Партизан.

извор