Offside › Набрзинка

ФФМ го одложи изборот за селектор поради изјавата на Миленко

18 декември 2025

Изборот за нов селектор на Македонија се пролонгира до 15 јануари. Тоа е одлуката која ја донеле водечките луѓе на ФФМ, откако првиот човек на Вардар го споменал името на Гоце Седлоски во конотација за селекторската позиција.
„Причината се изјавите на денешниот прес на Миленко Неделковски, претседателот на Вардар. Во меѓувреме, Федерацијата ќе стапи во контакт и со други кандидати“, велат од ФФМ за Спорт1.
Инаку првичните најави беа дека наследникот на Боби Милевски ќе биде назначен најдоцна до 25 декември.

Миленко: Нема да биде проблем Седлоски да биде и селектор

извор

УЕФА го репна Баерн Минхен 116.000 евра казна и затворање дел од стадион

18 декември 2025

Баварскиот клуб ја доби најтешката казна од УЕФА во нивната клупска историја откако од Нион соопштија дека го казнуваат германскиот гигант 116.000 евра и делумно затворање одредени делови од стадионот за првиот следен домашен натпревар од Лига на шампиони. Причина за ова е што на 9. декември на дуелот против Спортинг Лисабон навивачите на Баерн распалија стотици бакљи, огномети, петдарди. Следниот дуел на 21-ви јануари против белгиски Унион Ројал Сен Жилоа ќе биде со намален капацитет поради казната.
УЕФА притоа соопшти дека забранува продажба на карти за гостински навивачи за Ахнтрахт Франкфурт (првиот следен дуел им е со Карабах во Азербејџан), поради тоа што фрлаа предмети кон домашните навивачи на Барселона на „Камп Ноу“. Ајнтрахт е казнет со 38.000 евра и имаат рок од 30 дена да ја покријат целата штета што навивачите од Франкфурт ја направиле на реновираниот „Камп Ноу“.
Спортинг Лисабон е казнет со 40.000 евра и забрана за гостување на навивачите на еден натпревар. Лил е казнет со 10.000 евра за палење пиротехника на мечот со Јанг Бојс, а Макаби Тел Авив е казнет со 20.000 евра поради расистички скандирања и навреди на дуелот со Штутгарт на гости во Лига Европа.

извор

По 7 години, Алкараз се раздели со тренерот Фереро

17 декември 2025

Светскиот тениски број 1 Шпанецот Карлос Алкараз ја прекинал соработката со долгогодишниот тренер Хуан Карлос Фереро на истекот на 2025-та година. Фереро и самиот некогаш Топ5 играч на ранг листата, како тренер му помогна на Карлос Алкараз да освои шест Гренд следм трофеи и вкупно 24 пехари во кариерата откако почнал да работи со него како тинејџер.
„Многу ми е тешко да ја напишам оваа објава. После повеќе од седум години заедно, Хуанки и јас решивме дека е дојдено крај на нашето време како тренер и играч. Ти благодарам што ги направи моите детски сни реалност“, напишал Алкараз во благодарност до тренерот кој изјавил „дека би сакал да продолжи соработката“.
Хуан Карлос Фереро на Инстаграм напишал: „Денес е тежок ден. Еден од оние кога е тешко да се најдат правите зборови. Да се каже збогум никогаш не е лесно, посебно кога имаме толку многу заеднички искуства зад нас. Работевме напорно, пораснавме заедно и споделивме незаборавни моменти. Сакам да ти заблагодарам за времето, довербата, учењето и пред се за луѓето кои ме опкружуваа на овој пат“.
Не се познати причините за прекин на соработката.

извор