Пукна рекордна историска победа во НБА од 73 поени разлика

3 декември 2021-ва ќе остане датум за паметење во најсилната кошаркарска лига во светот. Кошаркарите на Мемфис Гризлис ја посрамотија Оклахома Сити Тандер со до сега невидена победа од 152:79.

Мемфис имаше историска ноќ во која запиша и многу клупски рекорди како најмногу поени, најмногу асистенции, најмногу поени на резервните играчи, најдобар процент на удари, најголема предност во текот на еден натпревар.

Но она што ќе остане запаметено е рекордот од 73 поени разлика или триумф од 152:79.

Претходно највисоката победа во историјата му припаѓаше на Кливленд, кој пред 30 години го декласираше Мајами Хит со 68 поени разлика.

Инаку интересно е никој од кошаркарите на Мемфис не се истакна посебно и само еден постигна над 20 поени, а тоа е Џарен Џексон со 27 коша. По него следат Мелтон со 19, Алдама со 18 и Кончар со 17. Сите 12 играчи влегоа во игра.

Инаку бламажата на гостите се надзираше веќе по првото полувреме во кое „Гризлите“ загризаа силно и имаа двојна предност од 72:36.

3 декември 2021 - 10:06

Штета ако сте пропуштиле

Фројдовска грешка

Што па им дадовме на Грците?

Упатства за разбирање на мажите

Како изгледа да си професор во Македонија низ gif-ови