Лука Дончиќ – прототип на играч кој одамна немало во кошарката

Се сеќавате ли на Стречерси? Дечките кои знаат доста за НБА и оваа сезона прават анализи во форма на ТВ емисии кои ги објавуваат на Јутјуб. Последната ја крстија „Чудото од дете кое доминира во НБА“.

Екипата е онаа истата и е составена од Бошко Караџа, Елдан Џигал и Мите Кузевски. Тоа се супер момци кои одлично ја познаваат кошарката и од кои сме објавиле повеќе анализи со кои докажале дека не вртат празна слама.

Бошко овој пат им го нема во емисија, ама затоа цитираа една негова мисла:

„Фудбалот се игра со нога, ракометот со рака, а кошарката со глава“.

Овој пат зборуваат само за Лука Дончиќ и го анализираат комплетно.

„Висока интелигенција, лесно минување на замките, брзина, визија за подавање, како да има четири очи. До толку е добар и неверојатен што не ни можеме да го споредиме со некој. Дали со Леброн кој сепак е посилен и поагресивен кон кошот, дали со Меџик Џонсон, но тој немаше толку добар шут за 3 поени, дали со Лери Брд кој ја немаше таа визија за подавање како Дончиќ. Ова е прототип на играч кој одамна се нема појавено во кошарката“.

 

27 декември 2019 - 16:03