1 мај 2019. Полуфинале од Лига на шампиони меѓу Барселона и Ливерпул. Ако сте подзаборавиле, тоа е она кога бандата на Клоп загуби 3:0, па дома тепаше 4:0, влезе во финале и го освои трофејот. На позицијата слободен удар се мести се знае кој. Не можеше да изведе нешто посовршено од ова.

Во 36’ минута од полуфиналето на Лига на шампиони меѓу Борусија Дортмунд и ПСЖ победничкиот гол го постигна германскиот репрезентативец Никлас Филкруг. И двата тима до крајот имаа многу шанси за гол но се испостави дека центарфорот на домашните е јунакот.

Ипсвич игра сезона од соништата во втората англиска лига Чемпионшип и сантиметар ги дели од промили испиени пива за пласман во Премиер лига. На коло пред крајот, Лестер Сити е сигурно прв со 97 бода и сигурен пласман. Ипсвич е втор со 93 бода, а Лидс Јунајтед е трет со 90 бода. „Трактористите“ во заостанатиот натпревар го совладаа Ковентри 1:2 на гости и сега за сигурен влез во Премиер доволен им е само бод од мечот на домашен терен против Хадерсфилд.

Печено беше второто полуфинале од ЛШ за повеќе голови. Барем колку што имаше во вторникот во Минхен. Промашуваа и двете екипи, а ПСЖ во една иста акција имаше две стативи. Ги собравме сите на едно место и сите се од второ полувреме.

Ал Хилал за противник во финалето во Купот на Саудиска Арабија го доби Ал Наср кој со 3:1 славеше над Ал Калеџ. Два гола на Кристијано Роналдо од кои едниот го постигна на интелигентен начин откако искористи кикс на гостите. Стрелаше и Мане.

Борусија и ПСЖ одиграа полуфинале со отворен фудбал и многу шанси на двете страни. Вкупниот број на удари е 12:14. Погледнете ја шансата на Џулијан Брант на 7 минути до крај и интервенцијата на Маркињос. Аплаузи за Бразилецот.

По ремито 2:2 меѓу Баерн и Реал и второто полуфинале од ЛШ остава многу прашалници за патникот во финале. Со голот на Никлас Филкруг, Борусија Дортмунд има 1:0 против ПСЖ пред реваншот.

Одиме со два податока за две фудбалски легенди кои заслужуваат внимание. Од синоќа едниот е најстар играч во историјата на Реал Мадрид кој настапил во ЛШ, а другиот е прв Германец кој стасал до 150 натпревари во елитното натпреварување. Секоја чест.

Погледнете на што налетавме. Стара снимка од Баерн - Реал со удар на Роналдо кој ќе го видите во гол. Според секоја логика ова треба да е гол и точка. Каков е овој зачудувачки голмански рефлекс на Мануел Ноер при толку силен шут? Неверојатно нешто. Ко на ракомет.

Иако ова е полуфинале, екипите се сериозни, а целта им е само трофеј и ништо под тоа, сепак играчите од типот на легендарниот Томас Милер знаат како да најдат време и за забава.

Навивачите на Баерн се потрудиле за великанот Франц Бекенбауер, кој има три европски титули и тоа по ред: 1974, 1975, 1976. Замина на 7 јануари годинава на 78 годишна возраст.

23 минути Баерн го напаѓаше голот на кралевите, кои до тогаш не се споија со топка. Во 24-та минута на својата позиција топка доби Тони Крос и толку беше. Со само една гестикулација со прст му посочи на Винисиус каде треба да влезе. Навидум едноставна, но сепак многу мајсторска асистенција на Германецот со многу мозок, за која сите зборуваат денеска.

Во интересен дуел меѓу двата европски гиганти на „Алијанц Арена“ во Минхен вечерва Баерн и Реал одиграа 2:2. Гостите поведоа први преку Винисиус, Баварците направија пресврт, а Бразилецот одново ги олади домашните, овојпат со гол од пенал. Реваншот за седум дена ќе го донесе патникот во финалето.

На натпревар меѓу Треф и Фунефос во норвешката трета лига, гостинскиот голман при дегажман на топка од својот шеснаесетник, случајно погодил птица во лет и ја оставил на место.

Никако. Се соочија со елиминација од вкупни 5:0, а дома загубија 0:4. Два гола на Роналдо, два на Рамос. И двете екипи имаа страшни состави предводени од тренери по име Пеп Гвардиола и Карло Анчелоти. Баерн ја бранеше европската титула, а Реал ја освои. Слободниот на Роналдо во стилот на Тони Мицевски.

Налетавме на преубаво парче фудбалска носталгија. Дуел меѓу Вардар и Динамо во април 1982-ра година во Скопје. Соблекувални со постери од голи женски, физиотерапевти, загревање, сè по пропис. Некој би рекол и подобро од денес.

И официјално Болоња следната сезона ќе биде дел од меѓународната сцена, само уште не се знае во кое од трите европски натпреварувања. Последен пат играа во Европа во 2002-ра во тогашниот Интертото Куп. Во Купот на УЕФА играа во 2000-та, а во ЛШ во далечната 1964-та, кога го освоија Скудетото, седмо и последно во нивната историја. Баба му на Рикардо Орсолини во солзи за фантастичниот успех на својот внук.

„Драганееееее“, е најславното драње од селскиот српски фудбал кое датира од пред 15 и повеќе години. Уште се раскажува за тоа, а познат е и епилогот на кариерата на Драган.

Дон Карло во својата екстремно богата тренерска кариера има и шампионска титула со Баерн Минхем во сезоната 2016/2017. Во пресрет на вечерашниот класик Баерн - Реал Мадрид во 1/2 финале на ЛШ, германските новинари го прашале нешто на германски јазик а тој признал дека престојот таму му бил убав ама дека од јазикот не научил многу.

Иако после него се појавија многу страшни шутери и маестрални изведувачи на слободни удари, она што славниот бразилски лев бек го правеше беше уникат. И остана.

Клубот кој во 2016-та година сензационално стана шампион во Премиер лига, минатата година испадна од најдоброто друштво а сега на едно коло до крајот на сезоната во сурово тешкиот Чемпионшип ја освоија титулата и се враќаат во богатата Премиер лига.

При резултат 2-2 на дербито Барселона - Валенсија, гостинскиот фудбалер Диего Лопез излезе сам пред голманот Тер Штеген и со играч помалку во тој момент гостите можеа да дојдат до нова предност. Чист гол спречи Педри со навремен лизгачки старт. Цел стадион му аплаудираше.

Во фудбалското првенство на Чиле, во 10. коло, Кокимбо со 1-2 го победил на гости Евертон. Во 51-ва минута страшно голчиште за Кокимбо дал Лусано Кабрал. Кандидат за гол на годината.

Валенсија храбро се држеше во првиот дел на гостувањето во Барселона. Водеа гостите 1-2 но на истек на првиот дел нивниот голман Мамардашвили доби директен црвен картон. Со играч повеќе во вториот дел Барселона направи комплетен пресврт и славеше 4-2 со хет-трик на Левандовски. А Тер Штеген во обид да испадне голем техничар им подари гол на гостите.