Ветувањето на Апаче по неговиот кам бек во својата земја кое го даде на 14 јули, се исполни синоќа кога со голот на Фабијан Монзон Бока Јуниорс славеше над Тигре и со тоа стигна до 31 титула во аргентинскиот шампионат.
Бока слави на едно коло до крајот на сезоната бидејќи има 64 бодови, 6 повеќе од второпласираниот Сан Лоренцо. На делба на третата и четвртата позиција со по 56 бода се Росарио Централ и Расинг кој победи 3:0 против Крусеро со двата гола на Диего Милито.
Иако Тевез му се приклучи на својот поранешен тим на средината од сезоната, тој беше еден од клучните играчи со 5 гола и 2 асистенции на 12 меча, но и лидер на екипата каде ја почна кариерата во 2001 година.
Тевез сега има освоено титули во пет земји. Првата со Бока во 2003-та, потоа со Коринтијас во Бразил две години подоцна. Во Европа се радуваше со Манчестер Јунајтед (2007/08, 2008/09), Манчестер Сити (2011/12) и Јувентус (2013/14 и 2014/15).
„Среќен сум, се вратив за да го почувствувам ова повторно. Тешко е да се зборува“, изјави по мечот Тевез.
Голот за титула
Славјето
