Тешко ранет, ранлив, но упорен со јуначко срце

Лесно е деновиве да бидеш Меси или Суарез, мајстори кои решаваат мечеви со два потези, ама стави се во кожата на Санти Казорла на кој му ја пресадуваа, буквално од рака на нога. Ама не се дава дечкото, прав борец е и од што го сака клубот плаче поради промашен пенал.

Ако пред оваа сезона случајно се прашувавте и не знаевте што прави и каде е Санти Казорла, ќе ве потсетиме дека поради тешка повреда немаше одиграно ниту еден натпревар 636 дена. Затоа во сезоната 2016/2017 имаше 8, а следната 0 настапи за Арсенал.

Казорла е жив малер кој мораше да прави 10 операции. Имаше тешка повреда на тетивата и откако оваа сезона направи кам бек во Виљареал прво тренираше со младинскиот тим на Алавес, а потоа со Виљареал.

Мачно и долго беше неговото опоравување и враќање во потребната форма за да се појави и да докаже одново дека го бива за во Ла Лига. Прво заигра на пријателска против Херкулес и тоа во 57-ма минута. Доби силни аплаузи и дури на 9 август 2018-ма беше официјално соопштен неговиот потпис за Виљареал.

За него ова е всушност негов втор кам бек во клубот каде ја почна кариерата во 2003-та. Играше за „Жолтата подморница“ до 2006-та, а вториот пат од 2007-ма до 2011-та.

Сега му е најтешко бидејќи Виљареал е зоната на испаѓање на 18-ма позиција и има ист број бодови со Ваљадолид, а во последно време многу ги бие малер со резултатите. Водеа 0:2 со Селта и на крај изгубија. Потоа од 1:2 на Барса и направија 4:2 и на крај освоија само бод, а синоќа беа поразени од Бетис 2:1.

Казорла не може да си прости бидејќи во 89-та промаши пенал. Погледнете ја оваа тага и плач за клубот на кој од срце сака да му помогне.

Но и покрај тоа што има 34 години, а се врати во многу тежок период на рехабилитација по кој други би се откажале на тие години, сепак искуството и знаењето на Казорла сезонава се од голем придонес за Виљареал.

Им даде два гола на Реал со кој одиграа 2:2.

А одличен беше и на дуелот со Барса.

Погледнете ја асистенцијата до Бака за 4:2 на 3:05.

На тетивата на Казорла му пресадија кожа и на ногата му го ставија оној дел од кожата на раката каде што го имаше истетовирано името на ќерка му. Сега тетоважата му е разделена на два екстремитети.

Инаку ќерка му се вика Индија, а па едно од трите кучиња го крсти Златан за кој не треба дополнително објаснување кој е.

8 април 2019 - 13:36

Штета ако сте пропуштиле

Риалити брак

Куме бре?!

Граѓански преписки

Најлонките полнат 75 години