Тео Хернандез направи слалом за паметење од гол до гол

По долга 9 месечна голема неизвесна битка, Милан е на само една рунда до Скудетото. Во претпоследното коло ја мина непријатната пречка наречена Аталанта, а извонредниот Тео постигна гол кој со години ќе се раскажува во Серија А.

Милан во напад ги има големите ѕвезди Ибра и Жиру, но и еден бек кој од позадина врши извонредни напаѓачки задачи.

Тоа е 24 годишниот Тео Хернандез кој дефинитивно во моментов е еден од најдобрите леви бекови во светот.

Игра импресивна сезона, а викендов стигна до гол број 20 во дресот на Милан со кој ги фрли навивачите во делириум.

Погледнете го овој дрзок спринт кој му почна од својот шеснаесетник.

Инаку Милан славеше против Аталанта со 2:0, а Интер го доби Каљари на гости со 1:3. Ситуацијата на табела е: Милан 83, Интер 81.

Во последното коло закажано на 22 мај, Милан со триумф над Сасуоло на гости е шампион, без разлика на исходот од дуелот Интер - Сампдорија. 

16 мај 2022 - 08:14

Штета ако сте пропуштиле

Самурајски поздрав за земјата на која ѝ го сменија името

Роуан Аткинсон за слободата на говорот

Јас своето си го умрев

Најголем ризик за пандемија се виралните дезинформации