Дејвид Бекам стана ѕвезда преку ноќ по фантастичниот гол против Вимблдон. По кратко додавање, Бекам точно од средината на теренот го лобуваше домашниот голман Нил Саливен.
Стоук Сити - Виган Атлетик (12.12.2009)
При резултат 1-1, фудбалерите на Стоук направија фаул на противничката половина. Гостинскиот фудбалер Фигероа не размислуваше многу, виде дека голманот на Стоук Томас Соренсен е излезен и го лобуваше буквално од својата половина. Подоцна, Данецот му одбрани пенал на Фигероа а средбата заврши 2-2.
Чаби Алонсо
Ливерпул - Њукасл Јунајтед (20.9.2006)
На мечот против Њукасл, Баскиецот го повтори неверојатниот гол постигнат претходно против Лутон Таун во репризата на ФА Купот. Ливерпул во септември истата 2006-та година го пречека Њукасл, а Чаби Алонсо во голем стил ги обезбеди трите бода за Црвените.
Џои Гудјонсон
Лестер - Хал Сити (4.3.2006)
Џои Гудјонсон си ја проба среќата од центарот на теренот и постигна ефектен гол за водство на Лестер 2-1 против Хал Сити.
Асмир Беговиќ
Стоук Сити - Саутемптон (2.11.2013)
Асмир Беговиќ го постигна најубавиот гол во сезоната 2012/2013, кога на Британија Стадионот шутираше од гол на гол и го совлада Артур Боруч.
