Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Кога Јапонија ќе го повика Холивуд

Како што за добра свиња нема лоша помија, така и за добар хонорар нема лоша реклама, а Јапонците имаат хонорари, а и рекламите не им се нешто страшно лоши.

Хафтор Бјорнсон против 472 кила

Настан: Арнолд стронгмен класик 2018. Дисциплина: кревање тежина од место. Последна, решавачка рунда, и тежина што значи соборување на светскиот рекорд. Останати се шампионот Брајан Шо и Хафтор Бјорнсон.

Загатка на седумте планети

Ти си интерпланетарна полиција која брка интерпланетарни бунтовници. Дејствието се случува на седум планети. Ти можеш да одиш на која планета сакаш, бунтовниците само на планетите што се поврзани една со друга. Имаш десет потези (префрлање од планета на планета) за да ги фатиш. За почеток не знаеш на која планета се наоѓаат бунтовниците.

Треба екстра палец?

Чудесна направија која заслужува два лајка. Пошто се работи за протеза која ви дава дополнителен, комплетно функционален и автономен палец на раката (контра оној што го имате). Најштосно е што се командува со - нога.

Човештвото е полно со овци

Дечко решава да сними реакции на луѓе кога ќе лажира дека е позната фаца. Да изгубиш верба во човештвото.

Една недела меѓу италијанските фашисти

„Очекувавме милитантност, очекувавме шутки и се разбира, Мусолини. Не очекувавме народни кујни, бесплатни лекарски прегледи и фашисти хипстери“. Вака започнува една британска репортажа за Италија која открива дека во некои тамошни маала, фашизмот повторно станал нормална работа. 

13 од 13 Оскари, малку ли се?

Со сериозна доза нескромност и чаталење во саботата објавивме текст со наслов „Победниците на Оскарите 2018, еден ден пред Оскарите 2018“, во кој авансно ги објавивме добитниците на Оскар во 13 категории на ден пред наградите (иако списокот неколку дена седи во пораки), и тоа со очекување дека 2 ќе згреши па и со 11 дека ќе сме задоволни. Некои не сфатија сериозно, ама некои не го знаат човекот колку е напред со материјалот.

Убаво ми викаше учителката

Мечево си спомнува дека неговата учителка му викала дека со такво однесување нема да стигне далеку и дека најверојатно ќе заврши како градежен работник. Хехе.

Командант Мозок

Парализиран пациент од Охајо стана првиот човек кој успеа да ја помрдне својата рака со силата на својот мозок. Ќе почекаме уште многу за обратниот проблем, како и кој да мрдне нечиј парализиран мозок.

Најк го врти светот

Планетата прекинува да врти, луѓе во Најк патики пробуваат пак да ја стартуваат и залетаат. Цане Пребранац 2.0.

Проклетија што не завршува

Патот на еден постар господин попречен од најужасното нешто што го видел во својот живот - ескалатор!

Детето, најсилно оружје на мајката

Некоја блесава улична расправија. Во гужвата и една жена која нема ни ладно оружје, ни топло оружје, ни стап, ни бутур. Чек, чек, не дека тоа друштво е без ич! Во пресуден момент жената добива прекрасна асистенција која ќе ја реши утакмицата. Од што сме наивни па не ни се веруваат вакви работи, трипати ја гледавме снимката, да не е кукла некоја. Не бре! 

Во Битола би го викале Седативо

Бевме на лекар и требаше да ме боцнат и јас се исплашив ама маж ми ме смири. Само после ме болеше глава. #СегаКажувам #TaniTegoj

Победниците на Оскарите 2018, еден ден пред Оскарите 2018

Традиционално, по веројатно 3 пат, ги имаме предвидувањата за добитниците на Оскари во 13 категории на еден ден пред прогласувањето. Традиционално, на мајсторот му даваме две од карти да утне, па и со 11 погодени го сметаме за успех.

Да броиме туѓи пари

Тргнавме од видео со споредба како изгледаат 1.000 милијарди долари во банкноти од 1 долар, стигнавме до госпоѓа која мисли дека ја крадат на сметката за вода, па долгот од речиси 500 долари на шалтер го плаќа во пенија (1 пени = 1 цент).

Брана, брана друже мој

На реката Рашка пред некое време се поставува проточна еко-брана од компнијата Секопак, чија цел не е да запира вода, туку да запира основна домашна невоспитаност манифестирана како фрлање пластични шишиња во река. За еден викенд браната собира 3 тони пластични шишиња, на една единствена локација на која е поставена. Рашка не е ни меѓу топ 50-те најдолги реки во Србија.

Разлика меѓу млад богаташ и стар богаташ

Едниот е син на поранешeн канадски премиер, а моментално и самиот премиер на Канада. Вториот е син на поранешен американски богаташ, а и самиот стана богаташ, кој моментално е претседател на САД. Разликата меѓу стариот и новиот модел е во тоа што на новиот барем засега му е битно да изгледа дека знаењето е важно и не е сè во парите, стариот одамна се има откажано од тоа.

Оскаровско издание на Искрени трејлери

Од старт може да прешкртаме дека годинава ќе имаме барем приближно спектакуларни Оскари како минатата година, па во живо да гледаме човечка драма како некој прогласува погрешен победник за најдобар филм на годината. Во главната категорија повторно ќе треба да се избере еден од 9-те филмови, ако не сте ги гледале видеово сите ќе ви ги објасни на кратко.

Најнезабавното видео што ќе ги изгледате денес (или кој било друг ден)

Во април 2013, на тогаш 16 годишната Шарлот Идс и дијагностицираат редок случај на тумор на мозок од 3-то ниво. Во 2014 започнува сопствен Јутјуб канал на тема мода, шминка, убавина и слично. Во 2015 и откриваат нов тумор. Во септември 2017 на каналот е обајвено видеото под наслов „Brain cancer: Dying to Live, Living to Die in 4:42 minutes“ кое го документира напредувањето на болеста и живот на Шарлот во последните 4 години.

Ќе се пробие ли некогаш оваа моја глава?

Главно е точно дека упорноста се исплати. Освен во некои случаи како што е овој: кога пробуваш да облечеш долна тренерка на погрешната половина од телото.

Од снимањето на апсолвентската фотка на филмскиот универзум на Марвел

По повод 10 години од првиот Марвел филм (по ново броење), на едно место беа собрани сите можни глумци кои играле Марвел лик за да направат една заедничка мега-фотка. Целиот сетап изгледаше како да си сред забавен парк полн со Марвел оригинали.

Аљаска е многу напред со решавање на снегот по улици

Можеш да го чистиш снегот колку да пројдеш некоја улица и можеш да го чистиш како стварно да сакаш да им помогнеш на луѓето кои живеат таму.

Нервоза на денот: 50.000 долари на едно вртење на рулет

Џејк Коди е професионален играч на покер. Само што победува на еден покер турнир ја зема целата добивка од 50 илјади долари оди на масата на рулет и целата ја става на црно. Пуштај топчето.