Во фоајето на еден њујоршки театар, Дејвид Брн и една огромна група пејачи ја изведуваат Heroes од Дејвид Боуви. Не може боље. Ако во ниеден момент ништо од ова не ве наежи, од Звезде Гранда, Ана или Раста слободно да барате отштета за нанесена инвалидност.

Тоа што по навика се објаснува како „филмска магија“ луѓево го викаат „бевме на работа“, иако во дел примериве баш изгледа магија крајниот резултат што го добиле.

Владата финансира мало затворено "село" во кое луѓето со деменција и алцхајмерова можат да шетаат, пазарат и генерално да се осеќаат нормално, без да им штрчат на „нормалните“. Баш добро. Прашањето е, ќе може ли Холанѓаните и овде да помогнат слична идеја, без и таа да ја спојат некако со ЛГБТ?

Не сме му биле на служба за да го провериме стварно дали е поп, ама он е на Пони со наметка и шешир, они се на брзинци во полна велосипедска опрема, и секоја чест на дечкото како се држи.

Лорд Бејтс е британски министер за меѓународен развој. Како таков тој има должност да одговара на „пратенички прашања“. Од причини што не ги наведува, лорд Бејтс не успева да стигне на време за да удостои со одговор една од членките на Горниот дом на британскиот парламент. Заради ваквиот пропуст што не може да си го прости, тој со едно досега заборавено ниво на пристојност и воспитаност, поднесува оставка на функцијата што ја врши повеќе од 5 години.

По повод првиот говор на Трамп за состојбата на нацијата, Џими Кимел како своја главна гостинка ја закажа Сторми Даниелс, порно-ѕвездата кој можеби земала 130.000 долари од Трамп за да молчи за една средба која можеби ја имала со сегашниот американски претседател пред неколку години.

Брендот се вика Турбулент и стварно се мали, една турбина едвај покрива потреби на 60 домаќинства, ама затоа замислени се како многу лесни за поставување, немаат потреба од брана, не ѝ прават штета на природата или нарушување на текот и може да бидат поставени на која било река, канал, водопад и слично.

Тој, десетици години искуство над вжештената решетка и одбивање напади од разно-разни роднини, колеги и пријатели, нестрпливи „само малку да пробаат“. Таа, сетила за откривање вкусен оброк кои милиони години се развивале и животински нагон да се нахрани. Битката е непоштедна, ниту една страна не планира да попушти.

Ја погодува мерката, ги прави најтенки што може, не ги загорува и веќе го имаш во креденец во кујна. Само треба мајка ти да го има прежалено тефлонот или општо тавчето.

Тоа што продуцентите не можат баш целосно да си го направат меракот и по свој ќеиф да ги спакуваат филмовите, не значи дека и интернетот ќе преќути. Искрена верзија на постерите на генерација 2018 номинирани за Оскар.

Украинец од својата кујна има директен поглед на локалниот парк и една импровизирана клупa сместенa таму. Една работа што сфаќа е дека комшиите, а и кој и да помине од таму, имаат многу мерак на седење на клупата, „кога и да излезев на прозор обично имаше што да се види.“ Зема апарат, го остава во кујна, и веќе 10 години вади фотки од клупата.

Само еден ден откако излезе трејлер што навестуваше дека Дени Мекбрајд (Кени Пауерс) е главниот лик во некое освежување на Крокодил Данди франшизата, беше објавено дека клипот е најава за Супер боул рекламата за промоција на туризмот во Австралија. По неколку клипови од истата кампања изгледа дека нема познат австралиски глумец што не го прибрале во спотовите, од Хемсворт браќата, до Хју Џекман, Расел Кроу, Исла Фишер, Маргот Роби...

За најголемиот дел од нас доволно е тоа што знаеме дека не може да се дели со нула. Дечково нема проблем со тоа, само го интересира зошто не може.

Регулар православен верник од семејство со вековно педигре под јурисдикција на Српската православна црква им се обраќа на своите новостекнати колеги по православие, кои тој ги води како „нововерци“, со проблем на ниво на практикување на вера и религија - „...сакам да кажам, драги нововерци, вистинската вера МОЛЧИ...“

Една од илјадниците актерки во некоја од стотиците американски тв-серии ја кажува извозената фраза „Karma is a bitch“. По којзнае кои патишта, токму оваа реплика се претвора во моментално главно меме во кинескиот дел од интернетот, а во него луѓе само што ќе ги изговорат магичните зборови, се претвораат во далеку подобрена визелна верзија на самите себе.

Кристално чистата победа на канадскиот клинички психолог во веќе легендарното интервју кое го објавивме, уште повеќе ќе ја цените по оваа одлична анализа за тоа какви сè техники и финти беа употребени против него за да биде доведен во подредена ситуација, претставен како лошиот, да се измести од тежиштето и да влезе во замката да се правда за работи кои нит ги мисли нит ги кажал туку му ги конструира новинарката. Многу поучна анализа, дури и да не одите кај некој од нашите пасив-агресив (главно агресив) новинари. Социјалните мрежи се полни со злотвори кои ќе ве снеможат со слични поганлуци. 

Ништо не знаеме околу ова ама може да се кладиме дека муабетот бил: - Сакам базен, во стан најгоре. Во облакодер? Да, во облакодер. Ама газда, не може толку високо, облакодер е, ветрови и слично... ќе се прелива цело време. Ти немај гајле за ветрови, ставај базен у стан. Ок.

Нет неуталноста можеш да ја објаснуваш до најситни детали па пак на луѓето тоа да им остане далечен и не баш најјасен концепт. Сè додека како метафора не употребиш нешто што добро го познаваат, на пример Воперот на Бургер Кинг. 

Човекот се вика Павел Сапожников, експерт по историја, и на него ова му успеа цели 8 месеци. Живот како изолиран селанец во Русија од раниот среден век. Попрецизно, во северна Русија од 10-от век. Такви ќе бидат условите, живеалиштето, облеката, храната и алатките што ќе ги користи (нормално освен камерите и опремата за снимање). Клипот малку подолго трае, ама сепак се 240 дена во прашање.

Истата нација што не може да се помири со своето раководство моментално е зафатена со изразито глупиот предизвик (дури и за интернет времиња) на јадење пакетчиња прашок. Се вика Тајд под челенџ, по мини комплетчињата Тајд прашок и детергент за перење алишта, и целта е да изедеш едно вакво пакетче, што нормално е отровно, нормално е штетно по живот и здравје, нормално е глупо. Ама луѓе се упорни.

- Во Лондон (8,7 милиони) живеат повеќе луѓе отколку во Шкотска (5,2 милиони) и Велс (З милиони) заедно.

- Калифорнија има поголем број на жители од цела Канада, 39,2 наспроти 36,2 милиони.

Ова не се решенија на луѓе што немаат пипнато алат или работа, туку на намачени луѓе. Може не намачени, ама снаодливи сигурно.

Се матка по клубови за комичари низ Холивуд и некако завршува кај Конан О'Браен во емисија. Генерално сè му е јасно околу Америка освен точното значење на зборот „ass“. Ислушај го, ќе видиш колку и само на памет си учел.

Приказна за 16 годишниот внук на најбогатиот човек на светот. Да те киднапираат и да дознаеш дека фамилијата нема намера за тебе да плати ни денар.