Војнички другар и подоцна продуцент и спонзор на негови албуми вика дека Џони тврдел дека за војната во поранешна Југославија бил виновен Бајага. „Тој на луѓето им пееше „Зажмури“ а јас ги терав да отворат очи“ 

Прво: бракот е како лотарија, па веројатно нема да добиеш. Ама ако добиеш тоа е толку добро што само за тоа вреди да се проба. Второ: 50% од браковите завршуваат со развод, ако ти кажам дека надвор има  50% шанси да паѓаат метални кугли, ти ќе останеш дома, нема да стапнеш надвор. Трето: да купиш куќа ќе ти дадат 50 формулари што треба да ги пополниш, што ти објаснуваат сè... кога влегуваш во брак не добиваш ни едно ливче, ни летка на која пишува „само што ја направи законски најважната работа во твојот живот.“ Има уште.

Ако ти каже „добро“ или „немај гајле, јас ќе средам“ или ако само издиши... Ништо не е онака како што тебе ти се чини дека е.

Група од 50 рандом луѓе испречени пред една од големите непознатици на „пакувано на парче“ културата: како да исечеш лубеница на триаголници. За исполнување на потфатот имаат отприлика доволно алат за од балван да направат кауч на отварање.

На ТЕД веќе може да се сретнат секакви будалаштини (пред извесно време една цура објаснуваше дека педофилијата е сосема легитимна сексуална ориентација), но на таа платформа уште може да се најдат драгоцени и инспиративни погледи. Овојпат, нобеловецот Даниел Кенеман, автор на книгата „Мислење, брзо и бавно“, за загатката меѓу искуството и сеќавањата. 

Никогаш не знаете кога ќе се случи, но често доаѓа моментот кога на работа сте сигурни дека до крајот на работното време нема да направите ништо продуктивно.

Ако нешто може да се научи од видеово тоа е дека под итно треба да се основа невладина организација, кризна група, советувалиште и засолниште за ранливата група на тинејџери криминалци претепани од 83-годишни пензионери. А ако не казна, пензионерот треба да мине барем темелна наобразба за маките на денешната младина соочена со вечната неправдина на пакосното зло познато како „животот не е како што ти си го замислуваш на 18 години“, по што како што е ред ќе следуваат семинари за градење доверба и разбирање меѓу двете страни.

Дечково си дава за задача да имитира 28 глобално познати комичари и на спектакуларен начин успева да ги утне сите до еден и притоа фантастично да ги скине.

Преживеал удар од авион, зависности од дрога и алкохол, ментални крахови и нефункционални семејни сетапи, за потоа да стане експерт за фармација, неврологија, психологија и хипохондрија.

Зошто мажените жени се подебели од немажените? Немажените доаѓаат дома, гледаат што има во фрижидер и одат во кревет. Мажените доаѓаат дома, гледаат што има во кревет и одат до фрижидерот.

Том Вејтс е во нова песна првпат после две години. Му гостува на својот дологодишен соработник, гитаристот Марк Рибо, кој неодамна имаше баш убав концерт во Скопје. Ја плетат старата добра химна на италијанските партизани „Бела чао“, онаа која малку ни ја огадија фејкерите кои со неа на своите медени усни го крчеа својот пат кон државното ухлебување. За среќа, можеме да бидеме сигурни дека Вејтс и Рибо не го прават ова за да бидат пиарџии во новиот состав на Белата куќа.

Се наоѓа во Тајланд a името го добива затоа што целиот пазар се собира како чадор во моментот кога низ него минува воз. Буквално низ него, на едвај 50-на сантиметри од тезгите минува воз. И така по осум пати на ден.

Заради тоа што е мормон и религијата му забранува, дечково не може да гледа фотографии со порно и голотија. Заради тоа што е тинејџер и e попален, нашол начин како ем да не ја прекрши верата, ем да (мисли дека) гледа нешто голо. Техниката ја крстил "bubbling" и некако функционира.

Да претпоставиме дека секој ден 10 мажи одат на пиво и на крај заедничката сметка им излегува 100 долари. Ако ја плаќаат сметката според начинот на кој ги плаќаат даноците, тогаш тоа ќе изгледа нешто вака:

Пет лесни лекции кои треба да ги знае секој џентлмен.

- Мајка ми ме научи за правилата на осмозата.
"Затвори уста и јади ја супата."

Многу е глупо кога не можеш нешто да провериш дали функционира затоа што на работа ја немаш потребната опрема. Па го објавуваш тоа на сајт, само за да се потсетиш на тоа кога ќе бидеш дома (иначе, ќе заборавиш). И сите да те видат што уствари те занима....

Или па сме ние побудалени па во сè го гледаме локалното лудило, збунетоста и бесмислата кои веќе не знаеме ни да ги опишеме (без пцовки). Инаку, се работи за “Nowhere Man“, ја знаете, само да ја чуете сосе текст.

Првата, професионална верзија ја имате тука а финтата е во тоа што публиката е инструирана да се преправа дека магионачарот стварно успеал да го снема човекот. Во домашна атмосфера тоа изгледа многу побрутално. Го збудалеа малиот.

Кај нас кучето прави „ав, ав“, мачето „мјау, мјау“, пајакот не прави никако... Во Јапонија некои животни им звучат сосема поинаку. Ковертирајте го однапред својот потег: Што мислите, како на Јапонец му звучи прасе?

Џон Луис е ланец на стоковни куќи во Британија кој надвор од островот е познат главно по своите реклами. Ова е уште една рецка во нивното резиме, овој пат со цела банда дечурлана и Боемска рапсодија.

Како што бајките инсистираат на среќен крај, така уметников инсистира на несреќен. Не радикално несреќен да нема жив останато, ама на работ на вечност мината во измачување.

Како што е неспорно дека Најк помогна во агендата и борбата на Колин Каперник, така е неспорно и дека хејтот што кампањата го доби во САД направи правичниот дел од јавноста инстантно да заборави дека станува збор компанија која им дава понижувачки плати на работниците во фабриките во југоисточна Азија и затајува милијарди долари данок низ цел свет, без да дискриминира дали тоа е Европа, Африка или Америка. Ова е првата видео реклама од соработката.

Ти ги мислиш убиј боже досадни, они да ти биле нација на каскадери. Ви претставуваме натпревар во фрлање во базен на стомак, или како што локално го викаат „смртен скок“.