Важно човекот заврши работа и ова лепи пасент, па поуката не треба да биде „е затоа плаќаш 30.000 евра повеќе“, туку „а и вака можело?“, ама вие како сакате.

Па не многу, ама сепак тоа не е битка што јахтата сака да ја води, посебно не нејзиниот сопственик. Ова е суперјахтата Го од 90 милиони долари, а карши нејзе е пристаниште на Сент Мартин. Во официјалната верзија пренесена од медиумите, кривицата е на компјутерот што ја управува јахтата.

Ај се кладиме дека нема да погодите за што е реклама во која група азијати, се држат за раце и во драматични ситуации меѓусебе се бодрат за да издржат. Ние сме малку лајави па не можеме а да не ви дадеме хинт: Стојанче вакви со глава ги крши.  

Од денешната доза на „кој ѓавол ми требаше да го видам и слушна ова“, издвојуваме:

Терапевтска епизода од алтернативна медицина за болки во предната страна на телото, нивно ненадејно исчезнување и појавување на сосема друго место. Како што ќе видите, после сеансата, најбитно е да направите опуштен карате потег со рацете.

Далдисани по фудбал, ракомет и баскет, нашиве дечки од Офсајд некогаш пропуштаат исклучително интересни спортски видеа. На пример, доаѓањето на женската крикет репрезентација на Австралија.

Ова видео е и ќе остане во историјата како клучен запис кој на идните генерации најсовршено ќе им го долови поразот на Трамп на изборите 2020 и како основите на теоријата на интерсекционалност им ги отворија очите на гласачите на Трамп од срцето на работничка Америка, да согледаат дека постојано се лажени од некогашниот претседател.

Математички гледано, два плуса не можат да дадат минус. Етички гледано, две добра не можат да дадат зло. Музички гледано, сè е можно.

Да беа наши полицајци, ќе излезеа од собата со заклучок: Го нема! Да беше наш новинар, прашањето ќе му беше: Господине, под душекот сте?

Чамат Палиапитија е поранешен вработен во сендвичарите на Бургер кинг, кој денес животот го минува како милијардер, и ова никако не треба да биде сфатено дека тоа е стандардната траса што го чека секој што некогаш работел/работи во сендвичара. Иако има пари за давање (нема да ви даде), Палиапитија има и некои лекции од својот живот кои радо сака да ги сподели.

Под око ќе нè гледаа а и ние нив и сите ќе се правевме дека не го правиме тоа. Всушност, сите ги чекавме сентишите кога секој прав сплиќанец кој држи до себе, на избраничката на срцето свое, мрзливо ќе ѝ пријдеше и, како да не му е гајле, ќе кажеше: „Ќе играш?“ Потоа избраничката, правејќи се дека ѝ е уште помалку гајле, ќе кажеше „Е, ајде“.

„Тука“ денес е во паркот во Козле кај кулите во близина на некогашна Алумина. „Бугарската фашистичка полиција“ и денес е бугарската фашистичка полиција, а и ќе остане.

Девојка застанува на сред улица и обвинува двајца момци во џип дека ја следат цело време и им кажува дека ќе викне полиција доколку не ја остават на раат. Момците пак имаат алиби за своето однесување.

Андре Мак како експерт во ова границата на евтино вино ја става на макс. 15 долари, 760 денари, за шише, и тој успева да најде некои примероци што му се допаѓаат. За разлика од него, ние тука на граница од 3 долари за шише успеваме да најдеме примероци што ни се допаѓаат.

„Кристоф де Маржери“ е 299-метарски носач на природен гас кој помогнат од нуклеарниот кршач на мраз „50 лет победи“, стана првиот комерцијален брод во историјата што преку Северното море има стигнато од кинески Јангсу до сибирското пристаниште и рафинерија за природен гас, Сабета.

Целата онаа фертутма со Гејмстоп и берзата, фондовите и Редиторите, опишана на начин на кој станува јасно чии и колкави се влоговите и каква крв до колена може да биде сето тоа.

НАСА го објави видеото од камерата на Персеверенс. Чисто за да видиме како изгледа слетување на Марс. Како изгледа кога некој ќе падне од Марс, гледаме секој ден од македонските институции.

Катната гаража имала 7 ката. Места колку сакаш. Погледнете какво место таа одбрала.

Кога ќе ти кажат дека успешно си поминал некој предизвик а веднаш ти станува јасно дека во маало нема да те слават како што некогаш си се надевал.

Импресивно дигитализирање на стар видео материјал, снимен 1929 година, главно во Одеса. 60fps, 4K.

На овој сајт учтиво ги одбиваме оние кои ни праќаат кавери на песни за евентуално објавување, објаснувајќи им дека ние би да промовираме авторска музика и дека ако почнеме со преработки, бргу ќе ни нагрнат оние со свои „видувања“ на Тоше, „Wind of Change“ и други тезгарошки зицери. Ама па, некои се стварно добри и во нив има повеќе авторство од некои авторски.

Се вика Хери Мек, фристајл рапер кој важи за Моцарт на импровизациите. Фрапира луѓе по интернет кога му кажуваат рандом зборови а тој не само што ги вметнува тие зборови во стиховите „во од“ туку и следи што прават соговорниците. Вилици паѓаат колку е добар!

Пред појавата на социјалните мрежи, вакви згодни и досетливи зезалици беа причина да се дојде на интернет. После појавата на социјалните мрежи, вакви згодни и досетливи зезалици се причина да се остане на интернет.

Среде најави дека Фејсбук ќе ги симнува сите содржини кои шират сомнежи околу вакцините, на Закерберг му ископаа изјава дека и тој бил од таквите. „Ја делам со вас претпазливоста околу тоа (вакцината), бидејќи едноставно не ги знаеме долгорочните нус-појави од модификувањето на човечката РНК и ДНК“, има кажал Закерберг на колегите од Фејсбук на еден онлајн состанок.