- Поранешната специјална обвинителка Катица Јанева е библиотекарка во затворот Идризово.
- „Користи викенди и излези секогаш кога тоа го дозволува правилникот“, вели директорот Зоран Јовановски.
- Годинава била пуштена дома за Велигден а казната ѝ истекува кон крајот на август 2026-та година.
- Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
- Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
- Интересно е што во листата за проширување на безвизниот режим е и Јапонија.
- Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
- Димче тврди дека Зоранчо го опцул па реагирал барајќи да не му го спомнуваат семејството.
- За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
- Смирувачки е да се види како во пресрет на сè поблиска Трета светска војна, македонските народни избраници се на висина на задачата.
*****
*****
