- Неидентификуваниот летечки објект кој синоќа се сруши во Загреб би можел да биде извидувачкиот дрон Tu-141 'Strizh', вели Тајлер Роговеј, стручњак за воена авијација ииредник на порталот'War zone'.
- Најбизарно е што според него тој најверојатно доаѓа од Украина бидејќи само тие на светот го користат тој вид на дрон кој датира уште од советски времиња.
- „Најверојатно се има пореметено, ја има прелетано цела Унгарија и се има срушено во Хрватска“, објаснува познавачот.
- Велат, можно е Украинците погрешно да го програмирале дронот па наместо за Јарун во Украина (меѓу Киев и Лвов) во Украина, да дале координати за Јарун во Загреб. Проверивме, добро е што немаат место што се вика како некое наше (ЕДИТ: Имаат Виница!).
- Милановиќ не додржа а да не уфрли јадачка „Бомбардирање на Србија и.... Чачак,“ што е наслов на албум на Лет 3. Наш чоек.
- Британскиот јавен бродкастер му се извини на американскиот претседател за монтажата на неговиот говор во една нивна емисија кога два различни дела од негов говор беа споени во еден дел со што се добива комплетно поинаква смисла на она што тој го кажа на 6 јануари 2021, пред немирите во Капитол.
- Корпорацијата ги отфрли барањата за обештетување, откако адвокатите на Трамп се заканија дека ќе поднесат тужба за отштета од 1 милијарда долари доколку Би-Би-Си не го повлече материјалот, не се извини и не се спогоди со него.
- Би Би Си вети дека нема да го репризира спорниот документарец со манипулативната монтажа, скандал кој повлече оставки на првите луѓе на куќата и одделот за вести, Тим Дејви и Дебора Турнес.
- Во моментов, главниот град на Бугарија има 33.000 паркинг места за кои се плаќа. Од 5-ти јануари 2026-та ќе има 88.000.
- Од тој датум и ќе поскапи паркирањето. За еден час во сината зона која сега чини два лева, ќе се плаќаат две евра. Во зелената зона, часот наместо еден лев ќе чини едно евро.
- Се бараше и црвена зона во строгиот центар на градот во која би биле привилегирани само станарите но таа идеја не беше прифатена.
- Во меѓувреме, со заем од 400 милиони лева, градот купува нови тролејбуси, трамваи и автобуси на струја и плин.
