„Што бара „Кју Анон“ на протести во Скопје?“, прашува Цивил откривајќи дека меѓу демонстрантите имало девојка во народна носија и маска на Кју Анон за која ќе речат  дека е „позната озлогласена, екстремно десничарска група“ поврзана со Доналд Трамп.

Цивил ќе оценат дека протестот за злоупотребите на Онкологија бил „киднапиран и злоупотребен од партиите Левица и ВМРО –ДПМНЕ“ (пошто за Тамара не беше).

Ќе го напишат и ова: „Имајќи ја предвид идеологијата и поврзаноста на Левица со рускиот политички врв, веројатно и овој „орнамент“ на синоќешните протести е дел од нивната „сценографија“ – за покажување лојалност кон своите центри на политичка моќ“.

Навиваме некои од демонстрантите на идниот протест да ставаат маски од Ајрон Мен, Шрек или Грут, да читаме нови анализи на Цивил во кои сè правци застрануваат протестите.