- Има институции каде бројот на вработени е преголем, но само 30 до 40 проценти вистински ги исполнуваат своите работни задачи. Тоа пред се должи на досегашното партиско вработување во изминатите 30 години, вели министерот за јавна администрација Горан Минчев.
- Тврди дека втор заменик директор на Царина не барала партијата ЗНАМ туку тоа било побарано од Царинската управа поради зголемен обем на работа.
- Балансерот останува на сила, но ќе бил предмет за расправа за евентуално укинување на таа алатка.
- Доналд Трамп се закани дека ќе ги повлече американските трупи од Германија, разгневен од оценката од канцеларот Мерц дека САД биле „понижени“ од Иран во војната.
- „САД проучуваат и разгледуваат намалување на трупите во Германија. Одлуката ќе биде донесена наскоро“, напиша Трамп на својата платформа Truth Social во среда.
- Извори на Телеграф велат дека Трамп би можел да ги прераспореди трупите во Полска, Романија, на Блискиот Исток или на Гренланд – островот за кој се закануваше дека ќе го присвои затоа што е „стратегиски важен за безбедноста на САД.
- И при крајот на својот прв мандат, во јуни 2020 година, Трамп најави дека ќе повлече 9.500 од вкупно 34.500 американски војници кои тогаш беа стационирани во Германија, но процесот не почна. Бајден официјално го запре веднаш по преземањето на функцијата во 2021 година.
- Мерц во понеделникот ги критикуваше Трамп поради отсуството на стратегија за излез од војната со Иран. „Цела нација е понижена од иранското раководство... И затоа се надевам дека ова ќе заврши што е можно побрзо, изјави Мерц.
- „Канцеларот на Германија, Фридрих Мерц, мисли дека е во ред Иран да има нуклеарно оружје. Тој не знае за што зборува! Не е ни чудо што Германија се справува толку лошо, и економски и на друг начин, возврати Трамп.
- За првпат во речиси две децении, Русија ќе го одбележува 9 мај, Денот на победата над фашизмот, без тенкови, ракетни системи и друг воен хардвер.
- Ваква одлука е донесена заради „актуелната оперативна ситуација“ (инвазијата на Украина) поради што ќе ги нема оклопните колони, војници од повеќе воени училишта и кадетскиот корпус. Авиони (Su-25) ќе има.
- Советската победа над нацистите во Втората светска војна е темел на повоениот поредок и мир, но и на актуелната војна во Украина која Кремљ ја смета за продолжеток на истата војна од пред 80-тина години.
