- Четири лица вмешани во нападот во концертната сала во Москва се меѓу 11-те приведени, му рекол шефот на Службата за безбедност ФСБ, Александар Бортников, на претседателот Владимир Путин.
- Меѓу уапсените се „сите четири терористи директни учесници“ во нападот, му рекол Бортников на шефот на државата.
- Бројот на убиените во синоќешниот напад во преполната концертна сала во предградието на Москва се искачи на најмалку 93, а бројот се очекува да се зголеми, соопшти рускиот Истражен комитет.
- САД велат дека е веродостојно дека разгранок на групата Исламска држава може да стои зад нападот, откако групата рече дека го направила тоа. Русија засега не коментира.
- Рускиот генерал Владимир Алексеев, заменик-шеф на Управата за воено разузнавање (ГРУ), е во критична состојба откако бил застрелан пред својот стан во Москва. Напаѓачот побегнал.
- Алексеев бил задолжен за надгледување на приватните воени компании во земјата. За време на бунтот на единицата Вагнер во 2023 година преговарал во име на Москва со паравоениот командант Евгениј Пригожин.
- Генералот е на американскиот список лица под санкции поради наводните обиди на ГРУ за мешање во претседателските избори во 2020 година. Британија му воведе санкции во врска со нападот со нервниот отров „новичок“ во Салисбери во 2018 година.
- Функционери во Москва ја префрлаат врз Киев одговорноста за нападот, извршен додека во Абу Даби делегации на двете земји преговараат за крај на војната. Во дискусиите е вклучен и Игор Костјуков, шефот на Алексеев.
- „Обидот за убиство на Алексеев е најдобриот начин да се блокираат преговорите, а единствен што би имал полза од таква ситуација е украинскиот претседател Володимир Зеленски“, изјави рускиот пратеник Алексеј Журављев.
- Околу 27 тони марихуана биле запленети во голема полициска акција спроведена во Скопје и во струмичкиот регион, според неофицијални извори. Ова би било најголемата заплена на дрога во историјата на државата.
- Акцијата ја спроведува МВР по насоки на Обвинителството за гонење организиран криминал и корупција, по повеќемесечна истрага за организирана криминална мрежа за нелегално производство и трговија со марихуана.
- Околу 10 тони марихуана биле складирани во кругот на поранешниот индустриски комплекс ОХИС во Скопје, каде што се наоѓа седиштето на компанијата „Алфафарм ДОО Скопје“.
- Компанијата била основана во 2023 година и е регистрирана за одгледување и преработка на лековити и ароматични растенија за фармацевтска употреба. Според податоците од Централниот регистар, фирмата располага со основна главнина од околу 529.000 евра, а сопственичката структура била менувана непосредно пред откривањето на дрога во Србија.
- При акција на српската полиција пред неколку дена во магацин близу Крушевац беа откриени 5 тони марихуана, за кои српските власти тврдат дека потекнуваат од Македонија.
