- „2022 година ќе биде критична за човештвото. Кина одржува Олимписки игри и како Германија во 1936 година, ќе сака да го претвори спортскиот спектакл во пропагандна победа на нивниот систем“, вели 91 годишниот аналитичар (кога Олимписките игри се во Л.А., Лондон или Калгари ,тоа не е така - н.з.).
- Кинескиот модел е најголемиот непријател на отвореното општество кое „ослободува креативни и иновативни енергии кај луѓето.“
- Џо Бајден генерално води исправни политики.
- Копнените сили на САД во петмесечната војна против Иран ги потрошиле „практично сите“ залихи на ракети од типот ATACMS (армиски тактички ракетни системи) и PrSM (ракети за прецизни удари), изјавиле за Ројтерс тројца упатени извори од Вашингтон. Тие не наведуваат колку точно ракети земја-земја ѝ останале на располагање на Армијата на САД.
- Ракетите ATACMS испорачани од САД ѝ помогнаа на Украина да напаѓа цели длабоко на руска територија. Ракетите PrSM се од понапредна генерација, со уште поголем дострел. Секоја од нив чини над 1 милиони долари.
- Залихите на PrSM биле мали уште на почетокот на војната, бидејќи тие се релативно нова муниција, но американската војска има нарачано голема количина од нив за 2027 година. Ракетите ATACMS постепено се повлекуваат од употреба и од производство за да бидат заменети со поновите ракети PrSM.
- Изворите на Ројтерс тврдат дека залихите се намалени поради одлуката на администрацијата на Трамп да избегне класични бомбардирања цели во Иран за да не се загрозат пилотите и авионите. Долгострелното оружје е побезбедно, но во исто време е незаменливо за евентуален судир со земји со многу помоќна противвоздушна одбрана, како што е Кина.
- „САД поседуваат далеку повеќе муниција од кој било друг во светот и далеку повеќе отколку што ни е потребно. Нашите одбранбени компании во овој момент произведуваат повеќе муниција од кога било досега и ги прошируваат своите погони и капацитети на рекордно ниво“, изјави неодамна претседателот Трамп.
- Министерството за финансии на САД продава евра од своите резерви, за да купува јени и да ја заздрави стабилноста на јапонската валута.
- САД обично користеа долари во досегашните интервенции за засилување на туѓи валути. Продажбата на евра е преседан. Сепак, не се очекуваат големи последици за европската валута, затоа што САД ја имаат во ограничени суми во своите резерви. Федералните резерви на САД претходно се консултирале за потегот со Европската централна банка.
- „Инфлацијата во САД во моментов е над целното ниво, па затоа сметаат дека дополнително ослабување на доларот не е најдоброто решение“, објаснува Ли Хардман, виш аналитичар за валути во MUFG.
- Вредноста на јапонската валута во четвртокот падна на 164 јени за 1 долар, што е историски минимум по 1986 година. Вашингтон и Токио договорија заедничка интервенција да го стабилизираат курсот. Со контролираното купување јени, САД ја спречуваат потребата на Јапонија да продава американски државни обврзници, што води кон повисока камата што САД ја плаќаат за своите долгови.
