Вести › Набрзинка

Слушнале ли јадните субмисивни поданици за реципроцитет?

3 февруари 2023

Ако бугарската полиција не им дозволи на Македонците да се доближат до споменикот на Гоце во Бугарија, тогаш зошто македонската полиција дозволува Бугарите да дојдат на гробот на Гоце во Македонија?, прашува човек од Левица.
Кога се отворал македонскиот културен клуб во Горна Џумаја (денес Благоевград), во програмата било вклучено и положување цвеќе од страна на Македонците на споменикот на Гоце Делчев.
„Тогаш, од страна на бугарската полиција, на делегациите од поворката не и беше дозволено ниту да се доближи на споменикот на Гоце Делчев, а не да положи цвеќе (поради безбедносни причини). Истовремено, таму беа распределени навивачки групи, кои по повик на Џамбаски, требаше да направат инцидент (да нè тепаат) доколку Македонците „се доближат“ до споменикот Гоце“, сведочи Александар Симонов.

извор

ЏД Венс: Ни Русија ни Украина не можат да напредуваат на фронтот

6 јули 2026

Американскиот потпретседател ЏД Венс изјави дека Русите не можат да постигнат речиси ништо во офанзивните операции на фронтот, ниту пак Украинците можат со своја контраофанзива да ги ослободат окупираните територии.
„Русите плаќаат висока цена за секој квадратен километар што го освојуваат. Сега се во ситуација каде што шансите да постигнат нешто преку продолжени офанзивни операции се занемарливи и се приближуваат кон нула. Ова би можело да го создаде просторот што ни е потребен за да го донесеме ова прашање до крај“, изјави Венс во интервју за Сандеј тајмс.
Фронтот, според него, е замрзнат затоа што САД и НАТО ја охрабриле Украина да се фокусира повеќе на одбраната и на исцрпување на Русија отколку да почне скапи офанзиви за освојување на окупираните територии.
„Ако се сеќавате на летото 2023 година, главниот спор беше дали Украина треба да се обиде со голема контраофанзива. Речиси целиот западен свет, вклучувајќи го и претседателот Бајден, извршија притисок врз Украинците да почнат масовна контраофанзива, што подоцна се покажа како стратешка и тактичка катастрофа“, потсети Венс.

извор

Иран наполни танкери со нафта, нема кому да ја продаде

6 јули 2026

Иран не може да најде доволно купувачи за својата сурова нафта пред да истече рокот за слободен извоз од 60 дена, согласно Меморандумот за разбирање со САД.
Техеран на 1 јули соопшти дека испорачал над 40 милиони барели сурова нафта откако САД ја укинаа поморската блокада. Но, повеќе од 20 милиони барели се во азиските води подолго од седум дена, што е зголемување од речиси 18% во однос на претходната недела.
Според извори на Блумберг, јасна дестинација немаат 90% од танкерите на кои се натоварени 58 милиони барели иранска нафта. Официјално се водат како „за нарачка“ или пловат кон Сингапур, со надеж дека ќе договорат извоз.
Главна причина е намалената побарувачка на големиот азиски пазар, кој очекува испорака на нафта од другите земји од Персискиот Залив. Кина, најголемиот увозник на иранска нафта пред војната, го преполовила увозот на 654.000 барели. Само еден ирански танкер истоварил нафта во Кина во изминатата недела. Индија чека конечен договор и целосно укинување на санкциите за да прави долгорочни нарачки.
Ограничувањата на Европската Унија и Британија сè уште се на сила. „Купувачите остануваат претпазливи дека Вашингтон би можел повторно да воведе санкции ако преговорите пропаднат“, изјави американскиот министер за финансии Скот Бесент.

извор