Вести › Набрзинка

Школски дворови во Скопје издадени за кафани, со алкохол, со сè

21 јануари 2025

Дворовите на училиштата во Скопје се претворени во кафеани. Со дозвола на Општините, директорите на училиштата ги издаваат дворовите на приватни фирми под закуп, со образложение дека ќе се градат спортски терени кои за време на наставата ќе можат да ги користат и учениците.
После завршување на наставата, спортските терени ги користат спортски клубови или граѓани кои спортуваат до доцна во ноќта. Но, наместо само за спортски активности, во дворовите никнуваат кафулиња, во кои, иако се наоѓаат во воспитно-образовни институции на малолетници се точи алкохол, се прават родендени, забави, па дури и свадби.
Според анкетата на СДК, на територијата на Општина Центар како училишни дворови изнајмени за спортски активности се наведуваат основните училишта „Димитар Миладинов“ и „11 Октомври“, во Аеродром училиштето „Блаже Конески“, во Кисела Вода издадени се дворовите на училиштата „Круме Кепески“ и „Невена Георгиева-Дуња“ а во Карпош издаден е училишниот двор на „Петар Поп Арсов“ за приватна градинка.

извор

Некој во ЕУ ја блокирал Бугарија да ја побугарчи кирилицата

10 јуни 2026

Неименувана земја од ЕУ го спречила објавувањето на бугарската комеморативна монета од 2 евра во чест на кирилицата и поднела приговор поради натписот „бугарската азбука“.
Не е спомнато која земја ја дигнала рампата, но се шпекулира дека е Словачка, Хрватска или Словенија, па дури и Австрија.
Во описот на монетата се наведува дека дизајнот е композиција од кирилични букви „со идеја да се нагласи придонесот на Бугарија кон третата официјална азбука на Европската Унија“. Автори на проектот се Светлин Балездров и Стојан Дерчев.
Монетата требаше да биде пуштена во оптек во втората половина од 2026 година во 1 милион примероци.

извор

САД извршија напади врз Иран поради соборениот „апачи“

10 јуни 2026

Американнски сили извршиле три прецизни напади врз ирански радари и конролни центри, како одговор на соборувањето на хеликоптер „апачи“ во близна на Ормускиот проток во вторникот.
Како одговор, Исламската револуционерна гарда на Иран изврши напад со беспилотни летала врз Петтата флота на САД во Бахреин. Нема податоци за предизвикана штета.
Трамп претходно не бил убеден во потребата од одмазда против Иран и го минимизираше соборувањето на хеликоптерот, повторувајќи дека „не е голема работа“ и дека двајцата пилоти се евакуирани. Се предомислил откако шефот на Пентагон Пит Хегсет и генералот Ден Кејн му доставиле ажурирани податоци дека ирански дрон „шахед“ го погодил хеликоптерот и препорачале воена акција.
Техеран објави дека „не го погодил намерно“ хеликоптерот. „Странските сили во близина на нашата територија се во постојан ризик поради сопствените човечки грешки, обични несреќи или може да бидат фатени во вкрстен оган“, објави министерот за надворешни работи, Абас Арагчи.

извор