Вести › Набрзинка

Руско МВР: Сите приведени напаѓачи во Москва се странци

24 март 2024

Министерството за внатрешни работи на Руската Федерација денеска соопшти дека сите приведени во случајот со смртоносниот напад во салата Крокус се странци, без да ја прецизира нивната националност.
Сите уапсени на објавеното видео зборуваат руски исклучително лошо (или се преправаат дека зборуваат лошо), а еден од нив комуницира со оперативците преку преведувач на таџикистански, наведува руската агенција.
Еден од сопствениците на концертната сала „Крокус сити“, азербејџанско-рускиот бизнисмен и милијардер Араз Агаларов, појасни дека терористите не влегле во салата преку вратата, туку преку прозорецот на соседниот изложбен центар и почнале да пукаат во се што виделе.
Според централниот разузнавачки центар на ФСБ, оружјето што терористите го користеле во Крокус било однапред подготвено на скриена локација.
Според последните информации, најмалку 143 лица загинале, а повеќе од 140 се повредени.

*******

извор

Запленети 27 тони марихуана во Скопје и Струмичко

6 февруари 2026

Околу 27 тони марихуана биле запленети во голема полициска акција спроведена во Скопје и во струмичкиот регион, според неофицијални извори. Ова би било најголемата заплена на дрога во историјата на државата.
Акцијата ја спроведува МВР по насоки на Обвинителството за гонење организиран криминал и корупција, по повеќемесечна истрага за организирана криминална мрежа за нелегално производство и трговија со марихуана.
Околу 10 тони марихуана биле складирани во кругот на поранешниот индустриски комплекс ОХИС во Скопје, каде што се наоѓа седиштето на компанијата „Алфафарм ДОО Скопје“.
Компанијата била основана во 2023 година и е регистрирана за одгледување и преработка на лековити и ароматични растенија за фармацевтска употреба. Според податоците од Централниот регистар, фирмата располага со основна главнина од околу 529.000 евра, а сопственичката структура била менувана непосредно пред откривањето на дрога во Србија.
При акција на српската полиција пред неколку дена во магацин близу Крушевац беа откриени 5 тони марихуана, за кои српските власти тврдат дека потекнуваат од Македонија.

извор

Германија го казни Амазон со 59 милиони евра

5 февруари 2026

Германска државна агенција го казни американскиот гигант Амазон со 59 милиони евра поради прекршување на националните и европските правила за конкуренција.
Федералната канцеларија за картели објасни дека употребата на алгоритми за влијание врз цените од страна на продавачите се спротивни на правилата против дигитална доминација.
„Амазон се натпреварува директно со продавачите на пазарот и влијае на цените на своите конкуренти, вклучително и преку ограничувања на цените“, изјави Андреас Мунд, претседателот на Бундескартеламт.
Амазон итно објави дека ќе се жали. Според регионалниот директор Роко Бројнигер, агенцијата го принудува Амазон да промовира неконкурентни цени за клиентите.

извор