Вести › Набрзинка

Ричард Гренел во кавга со косовските власти

23 јануари 2025

„Последниве четири години ги минаа давајќи му комплименти на Џо Бајден и присуствувајќи на неговите конвенции и забави. Зошто досега не се жалеа?“
Вака реагираше човекот на Трамп, Ричард Гренел, на коментарот на Глаук Коњуфца, функционер на владејачката партија на Косово, дека со својот пристап, администрацијата на Бајден го довела Косово во неповолна положба и го нарушила неговиот углед.
Во декември 2024 година, Доналд Трамп најави дека Гренел, кој беше негов специјален пратеник за Косово и Србија во првиот мандат, ќе остане задолжен за специјални мисии како Северна Кореја, Венецуела и други.

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор

Поразите носат кавги: Фрчкоски - Пендаровски

10 ноември 2025

Љубомир Фрчковски го обвини Стево Пендаровски, дека „мешетари внатре во СДСМ“. – Ме чуди тоа што мешетари Стево Пендаровски. Нема потреба од тоа. А мешетари без везе…, рекол Фрчкоски кај Васко Ефтов.
Пендаровски му одговори: „Никогаш не сум мешетарел, тоа го прават други кои се занимаваат со кафеанско озборување. Изјавата е целосно одлепена од реалноста и фактите, што, за жал, се случува поради ‘квалитетот’ на изворите со кои некои луѓе се дружат“, додаде Пендаровски.