Вести › Набрзинка

Разумот победи: Државата ќе конфискува наместо да руши на Стенковец

8 февруари 2026

Во координација на повеќе институции – Министерството за транспорт, Агенцијата за цивилно воздухопловство, Државниот градежен инспекторат, како и Аероклубот на спортскиот Аеродромот Стенковец Скопје – ќе се започне постапка за КОНФИСКАЦИЈА на нелегално изградениот објект на спортскиот аеродром Стенковец за кој претходно беше најавено рушење.
„Имајќи предвид дека објектот е целосно нелегално изграден на државно земјиште, надлежните органи одлучија да се обратат до Обвинителството и Судот и да побараат целиот објект да се конфискува во корист на државата, со цел истиот да може го користи Агенцијата за цивилно воздухопловство за тренинг на пилоти и други потреби“, обелодени министерот за транспорт Александар Николоски.
„Ова е јасна порака дека нема да се толерира изградба на нелегални објекти на места каде Министерството за транспорт и Државниот градежен инспекторат имаат надлежност“, порачува Николоски.

Види: Државата пред стратешка одлука за Стенковец

извор

Трамп ќе пуштел пари ако именуваат аеродром по него

8 февруари 2026

Претседателот Доналд Трамп ќе ја дигнел рампата за пар милијарди наменети за Њујорк под еден услов - да се додаде неговото име на неколку знаменитости.
Му рекол на лидерот на демократите во Сенатот, Чак Шумер, дека е спремен да се откаже од задржувањето на 16 милијарди долари за долгопланираниот железнички проект што ги поврзува Њујорк и Њу Џерси под реката Хадсон.
Услов бил Меѓународниот аеродром Вашингтон (кој се наоѓа во Вирџинија) и станицата Пен во Њујорк бидат преименувани по него.
Според CNN, Шумер веднаш ја одбил понудата.
И Њу Џерси и Њујорк ја тужат администрацијата на Трамп поради застојот во финансирањето, што е дел од нејзиниот модел да ги задржува парите од Конгресот за државите кои не гласаа за Трамп на изборите во 2024 година.
Администрацијата држи уште 8 милијарди долари во проекти за чиста енергија во 18 „демократски“ држави.

извор

Атентаторот на рускиот генерал фатен во Дубаи и спакуван за Москва

8 февруари 2026

Во Дубаи бил фатен рускиот државјанин осомничен за обид за убиство на рускиот генерал Владимир Алексеев, заменик-шеф на Управата за воено разузнавање (ГРУ) кој е во критична состојба откако беше застрелан пред својот стан во Москва.
Се работи за извесен Љубомир Корба (65 години) кој преправајќи се дека е од сервис за испорака, со пиштол Макаров испукал три куршуми во Алексеев на скалите пред неговиот апартман.
Русите тврдат дека Корба дејствувал по налог на украинските тајни служби за да се саботираат мировните преговори кои се водат во Абу Даби во кои е вклучен и Игор Костјуков, шефот на Алексеев.
За Корба се знае малку; бил директор на украинско-полска фирма со седиште во Украина и соработувал со неколку лица кои денес или се уапсени во Москва или се пребегнати во Украина.

извор