Правда за Најчевска!
11 октомври 2018
Вести › Набрзинка
Хаос во Полска по нападот на Туск врз Уставниот суд
31 октомври 2026
- Полски специјалци синоќа во Варшава се судрија со граѓани кои протестираа пред Уставниот суд поради ненадејното суспендирање на судии.
- Протестите избувнаа откако судијка од Уставниот суд објави дека се суспендирани од должноста претседателот на судот, Богдан Свјечковски, и неговиот заменик, согласно политиката на премиерот Доналд Туск „да воспостави владеење на правото по повеќегодишно влијание на партијата Право и правда врз судството“.
- Кратко потоа, самиот Уставен трибунал објави соопштение дека судијката не дејствувала во име на судот и дека „секој што е вклучен во овие дејствија врши кривично дело државен удар“.
- Претседателот Карел Навроцки го прекина летот кон Сенегал, итно се врати со авионот во Варшава и влезе во Уставниот суд како знак на поддршка на судијата Свјечковски.
- „Оваа ноќ дојде до нарушување на уставниот поредок на Република Полска и насилно преземање на уставен државен орган... Во врска со загрозувањето на внатрешната безбедност на Полска, за денес свикувам итни консултации со учество на претставници на парламентарните сили, со цел да се стабилизира политичката ситуација и да се врати уставниот поредок“, соопшти претседателот.
- Институционалниот судир датира од почетокот на годинава, кога Навроцки спречи да стапат на должност тројца од шестемина судии избрани од актуелното парламентарно мнозинство.
Патриоти за Украина: Америка продава, Европа плаќа
31 октомври 2026
- САД одобрија продажба на 500 пресретнувачки ракети за противвоздушниот систем „Патриот“ на Украина, за сума од 2,1 милијарда долари.
- Трошоците во целост ќе бидат покриени од донации од Канада, Германија и Норвешка, преку програмата JUMPSTART, како и преку средства од Заемот на ЕУ за поддршка на Украина.
- Володимир Зеленски предупреди дека може да поминат „неколку години“ додека не бидат испорачани ракетите. Според податоците на Пентагон, годишно се произведуваат само 600 вакви ракети.
- Зеленски неодамна оцени дека 100 ракети би биле доволни за одбрана од руски балистички проектили во период од еден месец.
- За успешно пресретнување на секој непријателски проектил, вообичаено се лансираат по две ракети.
