Вести › Набрзинка

Подемот и падот на слободниот поединец

22 ноември 2021

Насилството на безбедносните сили врз австралиските, британските, италијанските и другите граѓани низ западните општества само затоа што продолжуваат да веруваат во слободата на поединецот покажува дека самата идеја за слобода на поединецот веќе е мртва, пишува Ридван Пешкопија за Республика.
Идејата за индивидуална слобода е најголемата и единствена креација на западната цивилизација. Ниту една друга цивилизација претходно не ја знаела. Во сите други цивилизации, поединците функционирале во полза на општествените структури. Затоа, историјата на подемот и падот на слободата на поединецот е тесно поврзана со историјата на подемот и падот на западната цивилизација.
Напорите на граѓаните, пак, да ги воскреснат слободата и договорот доцнат веќе неколку децении. Облаците на идеолошките диктатури се собираат на хоризонтот на западната цивилизација, но тоа не означува ништо ново. Комунизмот, фашизмот и нацизмот беа западни идеи и практики.

извор

Хрватската патна мрежа драматично го зголеми континенталниот туризам

25 мај 2026

Региони како Славонија, Загорје, Меѓимурје и Лика доживуваат туристички бум благодарејќи на подобрата пристапност.
Викенд туризмот, винско-гастро понудата, циклотуризмот (со точаци) и селскиот мир стануваат сè попривлечни алтернативи на претрпаниот и прескап Јадран.
Хрватска минативе години градеше сериозно квалитетна патна мрежа која ги скратува патувањата но и ја намалува психолошката оддалеченост меѓу деловите на земјата.
Тоа овозможува полесно спојување на морските и континенталните планови и полека но сигурно ја трансформира Хрватска во целогодишна туристичка дестинација.
Локален контекст: Скопје и Крушево по воздушна линија се оддалечени само 70 километри. Тргни со кола, под три саати нема да си.

извор

Петер Маѓар: ЕУ прво да го прими Западен Балкан, па после Украина

25 мај 2026

Унгарскиот премиер изјави дека Европската Унија треба да ги прими земјите од Западен Балкан пред Украина, за да го зачува кредибилитетот во регионот.
ЕУ прво мора да ги исполни ветувањата дадени на земјите кои со години чекаат членство, пред да даде нови ветувања на другите кандидати.
„Прво треба да ги примиме земјите кои долго време се подготвуваат за членство, кои многу жртвувале, прифатиле бројни обврски и со години чекаат на ветениот влез во ЕУ“, кажа Маѓар во интервју за австриската агенција АПА.
За евентуалното членство на Украина во ЕУ, Маѓар кажа дека земјата е сè уште многу далеку од прием и процени дека тоа нема да се случи барем во следните десет години. Потсети дека сите земји-кандидатки мора да поминат низ истите процедури и да ги исполнат истите услови за членство.

извор