- Иако заради новиот закон за медиуми, сами ја тргнаа целата содржина која се однесува на војната во Украина, руската Новаја Газета добила ново предупредување од регулаторот Рокомнадзор, по што решија да прекинат со малтретирање.
- „Немавме друг избор“, порача главниот уредник Дмитриј Муратов кој е добитник на Нобелова награда за мир, награда која ја посвети на шестемина новинари на весникот кои ги изгубија животите заради својата работа.
- Претходно со работи прекина радио станицата Ехото на Москва, блокирани се БиБиСи, Воис оф Америка и Слободна Европа а на листата на медиуми со странска пропаганда неделава бил ставен и Дојче Веле.
- Премиерот Марк Карни ја поздрави поканата неговата земја да биде „придружна членка“ на ЕУ, но се воздржа отворено да ја прифати пред да завршат консултациите за формата за уникатното партнерство.
- „Ја поздравуваме оваа амбиција“, изјави Карни во говор пред Европскиот парламент.
- Канадскиот премиер се обиде да ја смири загриженоста на Доналд Трамп, кој се закани со трговска блокада на Европа ако процени дека новиот сојуз претставува непријателски чин за САД.
- „Не предлагам создавање трет блок за да станеме ривал на големите сили, само со подобри манири... Не бараме моќ за да доминираме над другите. Напротив, се стремиме кон отпорност за да не може никој да ги контролира нашите отворени пазари, да ја наруши нашата сувереност, да се заканува на нашиот територијален интегритет или да ги поткопува нашите слободи, нашите демократии и владеењето на правото“, порача Карни.
- На провокативните извици: „Ју-ес-еј!, Ју-ес-еј!“ во Европскиот парламент одговори со насмевка.
- Јеменските хути и САД на тајни преговори во Оман постигнале договор за слободно поминување на танкери и комерцијални бродови низ протокот Баб ел Мандеб.
- За возврат, американските сили ќе се воздржат од директно мешање во војната на хутите со Саудиска Арабија.
- Хутите се обврзале дека нема да напаѓаат американски и израелски бродови ниту комерцијални бродови од која било друга земја, освен оние што ѝ припаѓаат на Саудиска Арабија.
- Тајната средба се одржала во Амбасадата на САД во Оман во текот на викендот, неколку дена откако проиранските бунтовници зазедоа стратегиско пристаниште на Црвено Море. Трамп во саботата потврди дека хутите побарале од САД да не се мешаат во војната во Јемен.
- Администрацијата на Трамп во март 2025 година ги означи хутите за „странска терористичка организација“ и бомбардираше нејзини позиции за да ја запре кампањата на напади врз бродови во Црвено Море. Но, Вашингтон ги продолжи контактите и во мај склучи договор за прекин на огнот.
