Вести › Набрзинка

На скопската Пепелашка веројатно ѝ влегло камче во чевличето

27 јули 2022

Градоначалничката Данела Арсовска се пофали дека почнале со асфалтирање на дел од земјените патеки во првиот дел од Градскиот парк.
Веќе е асфалтирана патеката околу малиот лавиринт, а ќе се асфалтираат вкупно 7.500 метри земјени патеки во овој дел од паркот кои досега беа покриени главно со ризла.
Асфалтот и неговата црна боја душа дале за да се достоплиме/доутепаме летно време.
Единствена светла точка во овој проект е што не му се бендисува на Шилегов.

извор

Знае ли Трамп дека сме нападнати од опера?

20 јануари 2026

„А, знае ли Трамп дека Кинеската опера доаѓа во Македонија?“, гласи наслов на рацин точка мк.
Нивниот аналитички дурбин видел дека фестивалот на кинеска култура во Скопје, Битола и Охрид не бил изолиран егзотичен настан, туку дел од подлабока стратегија со која Пекинг го „вшива“ своето меко и финансиско влијание во ткивото на институциите, медиумите и политиката на Западен Балкан.
Па и спонзорирале Фејсбук пост за гостувањето!
Рацин точка мк го прашуваат Вашингтон дали разбира дека Македонија станува дел од кинескиот коридор кон Европа. Засега нема одговор од Вашингтон.
Рацин точка мк засега не предлагаат со што Вашингтон (ако разбира) треба да парира на лукавата кинеска опера: со своја опера, со грабнување на Силјановска од Водно, со ексклузивно право на продажба на македонското јаболко, подметнување ладен чај на гостите од Кина за да ги фати грло....
Порталот „раскринкува“ културни центри, Конфуциј институти, уметнички турнеи, универзитетски програми и медиумски прилози што ја прикажуваат Кина како „пријателски инвеститор“.
За среќа, го имаме рацин точка мк. Уште Вашингтон да разбере.