Вести › Набрзинка

МНР популизам од циркуски тип

26 март 2022

Фудбалерите Александар Трајковски и Енис Барди, како и селекторот Благоја Милевски ќе добијат дипломатски пасоши од страна на МНР.
Ова на брифинг го соопштил министерот за надворешни работи Бујар Османи, објаснувајќи дека повод за оваа одлука е историскиот гол и големата победа над Италија.
Каква глупоштина. А другите, што, сакати беа?

извор

Името да не им се спомне

31 јануари 2026

Лиридона Вејсели Тафили, беше осудена во Основниот суд во Гостивар на парична казна од 700 евра, односно 43.000 денари, за кривично дело „злоупотреба на лични податоци“.
Пресудата се однесува на новинарски прилог објавен на социјалната мрежа ТикТок, во кој таа го навела името и презимето на судија од Основниот суд во Тетово.
„Осудена сум од Основниот суд во Гостивар со 700 евра казна за изнесување лични податоци, затоа што при известувањето за една тема што ја обработував го спомнав името на судијата Назиф Илјази од Основниот суд во Тетово. Станува збор за случај во кој возрасно лице уценувало малолетник, му испраќало порнографски материјали и му се заканувало, а судијата му изрече казна од три месеци ефективен затвор“, изјави Вејсели Тафили за случајот за кој е осудена.
Судијката која ја осудила Лиридона се вика МАГДАЛЕНА МИШОСКА.

извор

Мерц ја отфрла идејата за европска мировна армија во Украина

31 јануари 2026

Германскиот канцелар Фридрих Мерц го отфрли предлогот за создавање заеднички европски воени сили, кои би имале улога во повоена мировна мисија во Украина.
Манфред Вебер, лидер на Европска народна партија, предложи формирање единствени европски воени сили и спојување на водечките функции во Европскиот совет и Европската комисија во единствена позиција, со многу поголема извршна моќ.
Мерц ги поздрави напорите за реорганизација на ЕУ, но рече дека идеите што ги спомнал Вебер не се решенија за итните проблеми на Европа - подобрувањето на одбранбените капацитети и на ослабената индустриска конкурентност.
„Треба да поставуваме прашања како да ја направиме Европа помоќна и пообединета и за тоа треба да се дискутира, но сега мораме да се фокусираме на задачите што се пред нас во овој момент“, изјави Мерц.

извор