Вести › Набрзинка

Мицкоски: Нема да има милост за администрациската мафија

17 март 2025

„Се боревме со политичката мафија, ги победивме на избори. Се боревме со мазут мафијата, ги ставивме во притвор. Се боревме со коцкарската мафија, дел избегаа, дел се во притвор. Се боревме со енергетската мафија, дел избегаа, дел се во притвор. Се боревме со уличната мафија, сите се во притвор. Ќе ја победиме и оваа администрациска мафија“, рече македонскиот премиер.
„Во 2024 година се издадени само 12 лиценци за кабаре, а можете да претпоставите колку клубови работат низ државата, шокантна е состојбата по тоа прашање, рече тој при посета на повредените од пожарот во Кочани кои се лекуваат во Клиничкиот центар „Мајка Тереза“ во Скопје.
„Да му одговорам на оној што прави полноќни прес-конференции, тука нема политика, ќе одговарате сите кои сте се дрзнале на овој начин да водите политика на грбот на граѓаните и на овие деца што ги изгубија животите. И нема да имаме милост. Ако мислат да играат на етничка карта и на политиканство, како што се обидоа вчера со полноќни прес-конференции, од дома за уши ќе ги вадиме, тоа треба да го знаат“, рече премиерот Мицкоски.

извор

Стонси ја откажаа европската турнеја 2026

17 декември 2025

Откажана е турнејата на Ролинг Стонс во Велика Британија и Европа, која се планирала за следната година.
Кит Ричардс не можел да гарантира дека ќе биде посветен на таков проект и не бил одушевен од идејата за уште едно четиримесечно акање по стадиони.
Последниве години редовно друшто на Ричардс му прави артритисот за кој вели дека му го има сменето начинот на свирење гитара.
Тоа не секогаш е лоша работа: „Ќе отиде прстот на друг праг и ќе отвори сосема нова врата,“ вели стариот кој утре полни 82 години.

Види и: Како Ролинг стонси ја прават плејлистата за концерт?

извор

САД забранија влез за Сиријци и Палестинци

17 декември 2025

Во кампањата против прилив на имигранти од небезбедни земји, САД забранија влез за државјани на Сирија, на Палестинските територии и на уште четири африкански земји - Буркина Фасо, Мали, Нигер и Јужен Судан.
Претседателот Доналд Трамп неодамна ги укина санкциите за Сирија и го пречека во Белата куќа привремениот претседател Ахмед ал Шара, кого САД до неодамна го сметаа за терорист и по него имаа распишано потерница со награда од 10 милиони долари.
Но, Трамп вети „многу сериозна одмазда“ по неодамнешното убиство на двајца американски војници и нивниот преведувач во Сирија во терористички напад на групата Исламска држава.
Списокот на земји со делумни ограничувања за патување во САД е проширен со уште 15 земји, претежно од Африка и од Карибите.
„Многу од земјите на кои им е наметната забраната страдаат од широко распространета корупција, лажни или несигурни граѓански документи и кривични евиденции, како и непостоечки системи за регистрација на родени, што систематски спречува точна проверка“, соопшти Белата куќа.

извор