- Верскиот туризам на југот на БиХ покренат во 1981 година откако Богородица наводно им се има појавено на шест деца, има донесено промет од 11 милијарди а самото херцеговско гратче има заработено три милијарди евра.
- Од 1981 до 2013, Меѓугорје го имаат посетено 28 милиони верници и туристи, од кои 21 милион биле странци. Секоја година прават речиси два милиона ноќевања.
- Локалната црква, без донации, има заработено 290 милиони евра.
- Шеснаесетгодишно момче е приведено во Москва поради убиството на Алексеј Бељаев, заменик-шеф на агенцијата Роскомнадзор задолжена за цензура на интернетот во Русија.
- Според неофицијални извори, момчето Артјом А. со нож го нападнало Бељаев на влезот во агенцијата на 19 јануари. Нема никакви официјални записи за инцидентот.
- Агенти од Федералната служба за безбедност брзо интервенирале и наметнале најстрога информациска блокада. Две недели не била објавена вест за убиството ни по медиумите ни на социјалните мрежи.
- Во објава што брзо била отстранета од платформата Телеграм, мајката на момчето напишала дека нејзиниот син е обвинет за „убиство со политички или идеолошки мотиви“. Обвинителите тврдат дека Артјом е „жесток противник на активностите на Роскомнадзор“ и дека го планирал убиството.
- Одделението на Бељаев е задолжено за блокирање сајтови, пренасочување интернет сообраќај и борба против заобиколување на наметнатите ограничувања.
- Француската полиција за кибернетски криминал со поддршка од Европол упадна во париските канцеларии на платформата X на Илон Маск, во врска со истрага за „политичка пристрасност на алгоритмите“.
- Истрагата е отворена во јануари 2025 година, откако либералниот пратеник Ерик Боторел јавно изрази загриженост поради „мешање во управувањето“ со платформата откако беше купена од Маск.
- Директорот за сајбер безбедност во државната служба поднесе посебна жалба поради „промените во алгоритмот на X што ја засилиле непријатната политичка содржина“,
- „Истрагата беше проширена по други извештаи во кои се осудува работењето на Grok на платформата X, што доведе до ширење содржина за негирање на Холокаустот и сексуални дипфејкови“, соопшти Обвинителството.
- Сопственикот Илон Маск и поранешната директорка Линда Јакарино се повикани на „доброволно сослушување“ на 20 април во Париз. Како потенцијални сведоци, повикани се и вработени во компанијата.
