Вести › Набрзинка

Индија собра 19 држави со кои тргува без доларот

22 април 2023

Бангладеш е 19-тата земја која со Индија се договори да го заобиколат доларот и меѓусебната трговија да ја обавуваат во своите национални валути (рупи и така).
Другите земји кои со Индија работи без долари се Русија, Израел, Германија, Обединетото кралство, Нов Зеланд, Сингапур, Шри Ланка, Боцвана, Фиџи, Гвајана, Кенија, Малезија, Маурициус, Мијанмар, Оман, Сејшелите, Танзанија и Уганда.
Претходно, Бангладеш објави дека договорот со Русија за нуклеарна централа ќе го обави во кинески јуани.

извор

Трамп го пресече Донбас: 78% за Русите

20 октомври 2025

Американскиот претседател Доналд Трамп ги повика Украина и Русија веднаш да ја запрат војната и да нацртаат граница каде што сега поминува линијата на фронтот. Тоа значи дека Русија би ги задржала окупираните територии во регионот богат со руда Донбас.
„Нека биде пресечен (Донбас) како што е сега. Мислам дека 78% од територијата веќе е земен од Русија. Нека остане така. Тие можат подоцна да преговараат нешто за линијата“, одговори Трамп на прашањето дали Украина ќе треба да се откаже од целиот Донбас.
Трамп на директната средба со Володимир Зеленски во Белата куќа го известил дека Америка нема да ѝ продаде на Украина крстосувачки проектили Томахавк, кои имаат дострел од 1.600 километри. Зеленски денеска побара од САД уште 25 противвоздушни системи Патриот, за да ги заштити подобро градовите и енергетската инфраструктура од постојани ракетни напади спроти почетокот на зимата.
Зеленски изјави дека е спремен да им се придружи на Трамп и на Путин на самитот во Будимпешта до крајот на октомври, иако никој го нема ни покането.

извор

Костадинов од Струмица: Ова не е пораз, ова е брука

20 октомври 2025

Досегашниот градоначалник на Струмица од СДСМ, Костадин Костадинов, оцени дека ова не е обичен пораз, туку, како што вели, тешка брука, политички и морален срам и сигнал за политичко заминување на поголем број членови од раководството.
„СДСМ е четврта политичка сила. СДСМ не влезе во втор круг во Скопје. Тука станува збор за политичка одговорност и политички срам. Недозволиво е самоволието да продолжи да владее и со тоа секој член на СДСМ да биде понижен. Немојте да зборувате дека сте среќни со резултатот. Поголем пораз од ова нема. Час поскоро, секој кој носел одлуки треба да се погледне во огледало и да признае дека не го бива. И да си оди“, порача тој.
Костадинов упати честитка до кандидатот на ВМРО-ДПМНЕ, Петар Јанков, кој на годинашните локални избори успеа да ја прекине дводецениската низа на градоначалници на СДСМ во Струмица.

извор